وليمپيادا چەمپيونى ەكەنىن بىلمەگەن - سەرىك ساپيەۆپەن جانجالداسقان سپورتشى

ونىڭ مالىمدەمەسى قازاقستاندىق ارالاس جەكپە- جەك شەبەرى ارتەم رەزنيكوۆتىڭ پاراقشاسىندا جاريالاندى، دەپ حابارلايدى قازاقپارات ءتىلشىسى.

مەنىڭ شاكىرتىم زەليمحان (زەليمحان مۋسيحانوۆ - اۆتور) سەرىك ساپيەۆتىڭ وليمپيادا چەمپيونى ەكەنىن بىلمەگەن. مەن ول جەردە بىردەن شاكىرتىمە بارا المادىم، مەنى ۇستاپ تۇردى. زەليمحان كۇرەسىپ جۇرگەن، مەنىڭ زالىمدا جاتتىعىپ جۇرگەن بالا. وعان رەنجىمەڭىزدەر. ەكىنشى جاعىنان، ول جەردە بولعان وقيعانى كورىپ، مەن دە اشۋلانىپ كەتتىم. جاتتىقتىرۋشى رەتىندە جۇمىس جاساعاننان كەيىن شاكىرتتەرىمدى ۇنەمى قولداپ جۇرەمىن. دەگەنمەن، اشۋىم تارقاعان سوڭ، سەرىك اعامىزبەن سويلەستىم. ول كىسى دە ەموتسيا كەزىندە بارلىعى بولاتىنىن ايتتى. ەشقانداي شاعىم بولمادى. ارينە، قاتەلىك كەتكەن شىعار. ءبىز ول ءۇشىن كەشىرىم سۇرادىق، - دەپ ءمالىم ەتتى سپورتشىنىڭ جاتتىقتىرۋشىسى الەكساندر گولتسمان.

ەسكە سالساق، كەشە بوكستان وليمپيادا چەمپيونى سەرىك ساپيەۆ الماتىدا ءوتىپ جاتقان Naiza 49 تۋرنيرىندە Batyrball ويىنىنا قاتىسقان بولاتىن. سايىس كەزىندە Sever- Yug كومانداسىنىڭ مۇشەسى سەرىك ساپيەۆكە قارسى كۇرەستىڭ ءبىر ءادىسىن قولداندى. بۇل بوكسشىعا ۇنامادى. ءسويتىپ، اياق استىنان ەكەۋىنىڭ اراسىندا جانجال باستالىپ كەتتى. وليمپيادا چەمپيونىنىڭ Academy of Sports كومانداسى جەڭىسكە جەتكەن ماتچ اياقتالىپ، سپورتشىلار قول الىسقان كەزدە تاعى دا توبەلەس بولا جازدادى.

اۆتور

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى