تىكۇشاق اپاتى قالاي بولدى – ت ج م نۇسقاسى

«كەشە ءبىزدىڭ جۇيە ءۇشىن قايعىلى كۇن بولدى. ءبىر كۇندە ءبىز ءتورت ارىپتەسىمىزدەن - جاقىن دوستارىمىزدان، تاجىريبەلى جانە جوعارى كاسىبي قىزمەتكەرلەرىمىزدەن ايىرىلدىق. سونىمەن قاتار، اۆياتسيالىق وقيعا كەزىندە ءبىزدىڭ ءبىر قىزمەتكەرىمىز قازاۆياقۇتقارۋ جەتەكشى ينجەنەرى جانە قازترانسويل وكىلى زارداپ شەكتى.

بۇعان دەيىن حابارلاعانىمىزداي، كەشە 23-اقپاندا استانا ۋاقىتىمەن ساعات 15.48-دە داعدارىس جاعدايلارىندا باسقارۋ ورتالىعىنا ورال قالاسىنان 54 ك م جەردە باتىس قازاقستان وبلىسى بايتەرەك اۋدانى چاپۋرينو كەنتىنىڭ اشىق اۋماعىندا م ي-8 ت ج م قازاۆياقۇتقارۋ تىكۇشاعى قونۋعا ءماجبۇرلى بولعانى تۋرالى اقپارات كەلىپ ءتۇستى. تىكۇشاق «اتىراۋ- ورال- اتىراۋ» باعىتى بويىنشا ۇشقان بولاتىن»، - دەدى ول ۆەدومستۆودا وتكەن بريفينگىدە.

سونداي-اق، ول كەشە 23-اقپان كۇنى ساعات 10.40-تا «قازترانسويل» ا ق ءوتىنىمى بويىنشا اتىراۋدان ۇشىپ شىققانىن ەسكە سالدى.

«بورتتا 6 ادام - 5 ەكيپاج مۇشەسى جانە «قازترانسويل» ا ق-نىڭ 1 وكىلى بولدى.

«قازترانسويل» ا ق-نىڭ ءوتىنىمى بويىنشا تىكۇشاق «وزەن- اتىراۋ- سامارا» ماگيسترالدىق مۇناي قۇبىرىن بويلاي ۇشتى.

ساعات 19.07-دە وقيعا ورنىندا ت ج د كۇشىمەن قازا تاپقانداردىڭ 4 دەنەسى تابىلدى: اۋە كەمەسىنىڭ كومانديرى دوۆلەتباي قاناتوۆ، ەكىنشى ۇشقىش ۆلاديمير افاناسەۆ، بورت مەحانيگى سيازبەك اندوسوۆ جانە ينجەنەر جاردەم دوسقاليەۆ.

قازاۆياقۇتقارۋ ينجەنەرى سەرگەي شەگلوۆ پەن «قازترانسويل» ا ق جەلىلىك قۇبىرجولشىسى س. س. ەرعاليەۆ ءتۇرلى جاراقاتتارمەن جەدەل مەديتسينالىق جاردەم ۆاگونىمەن ورال قالاسىنىڭ كوپسالالى اۋرۋحاناسىنا جەتكىزىلدى.

قازاۆياقۇتقارۋ باس ديرەكتورى وقيعا ورنىنا بىردەن ۇشىپ شىقتى»، - دەدى ت ج م رەسمي وكىلى.

ەسكە سالساق، كەشە باتىس قازاقستان وبلىسىندا «قازاۆياقۇتقارۋ» ا ق- عا تيەسىلى تىكۇشاقتىڭ «اپاتتى جاعدايدا قونىپ»، 4 ادامنىڭ مەرت بولعانى حابارلانعان بولاتىن.

بۇگىن تاڭەرتەڭ ت ج م باتىس قازاقستانداعى وقىس وقيعادان قازا تاپقانداردىڭ اتى-ءجونىن جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى