قازاقستاندىق بىرنەشە سپورتشى دوپينگ ءۇشىن سپورتتان شەتتەتىلدى
سونداي-اق قازاقستاندىق اۋىر اتلەتتەر مەن جەڭىل اتلەتتەر جانە تاەكۆوندو شەبەرى جاسۇربەك يسرايلوۆ جارىستارعا قاتىسا المايدى، دەپ حابارلايدى قازاقپارات قازاقستاننىڭ ۇلتتىق دوپينگكە قارسى ورتالىعىنىڭ سايتىنا سىلتەمە جاساپ.
توكيودا 2020 -جىلى وتكەن وليمپيادا ويىندارىنىڭ قولا جۇلدەگەرى يگور سوننان مەتاستەرون سىناماسى تابىلدى، سونىڭ سالدارىنان ول 8 جىلعا سپورتتان تىس قالدى. مەتاستەرون ءۇشىن اۋىر اتلەتتەر الەكسەي دروزدوۆ، ابىلاي اۋەلحانوۆ، يۋليا پوتاسسوۆا، رۋفينا چالكاروۆا دا 2026 -جىلدىڭ 28-ناۋرىزىنا دەيىن جارىستارعا قاتىسا المايدى.
سونداي-اق تاعى ءبىر اۋىر اتلەت كارينا جۇنىسبايەۆا كانرەنون سىنماسى ءۇشىن 2024 -جىلدىڭ 21-قازانىنا دەيىن سپورتتان شەتتەتىلگەن ەدى. جەڭىل اتلەتتەر الەكساندر ساۆگۋروۆ پەن ەكاتەرينا گريتساي وكسالادرون ءۇشىن 2025 -جىلدىڭ 26- قازانىنا دەيىن سپورتتان شەتتەتىلدى.
ال تاەكۆوندو شەبەرى جاسۇربەك يسرايلوۆتان مەلدوني سىناماسى تابىلىپ، 2025 -جىلدىڭ 18-قاراشاسىنا دەيىن سپورتتان تىس قالدى.
قازاقستاندىق اۋىر اتلەتتەر وسىعان دەيىن دە دوپينگ قولدانعانى ءۇشىن وليمپيادا ويىندارىنىڭ مەدالدارىنان ايىرىلىپ قالىپ ەدى.
ايتا كەتەيىك، توكيو وليمپياداسىندا قازاقستاندىق اۋىر اتلەت، 2020 -جىلعى توكيودا وتكەن وليمپيادا ويىندارىنىڭ قولا جۇلدەگەرى يگور سون 61 كەلىگە دەيىنگى سالماق بويىنشا قولا مەدالدى جانە 2019 -جىلعى الەم چەمپيوناتىنىڭ كۇمىس جۇلدەسىن ەنشىلەگەن ەدى. 24 جاستاعى يگور سون ءوز كارەراسىندا وسىنداي جاعدايعا ەكىنشى رەت تاپ بولىپ وتىر.
2015 -جىلى قازاقستاندىق اۋىر اتلەت جاسوسپىرىمدەر اراسىنداعى الەم چەمپيوناتىنان سوڭ بىرنەشە ايعا سپورتتان شەتتەتىلگەن بولاتىن. ول كەزدە سپورتشى پرەپاراتتىڭ ورگانيزمىنە بيوقالدىقتار ارقىلى كىرگەنىن دالەلدەگەن ەدى.
