تارتىل-فەست رەسپۋبليكالىق تۋرنيرىنىڭ گراند-فينالى باستالدى - فوتو

ق ر پرەزيدەنتى جانىنداعى «DARA» تالانتتاردى قولداۋ قورىنىڭ باستاماسىمەن ۇيىمداستىرىلعان ءتۋرنيردىڭ اقتىق سىنىنا وڭىرلىك ىرىكتەۋ جارىستارىندا ۇزدىك ناتيجە كورسەتكەن 170 سپورتشى قاتىسادى. قاتىسۋشىلاردىڭ جاسى - 11-51 جاس ارالىعىندا.

تۋرنيككە تارتىلۋ جارىسى بىلتىر قازاقستاننىڭ 20 قالاسىندا ءوتتى. وندا 7 مىڭنان استام قازاقستاندىق 9 سالماق دارەجەسىندە سايىسقا ءتۇسىپ، 33 جاستاعى تارازدىق ەۆگەنيي نام 50 رەت كورسەتكىشپەن تۋرنير رەكوردىن ورناتقان.

EXPO اۋماعىنداعى كونگرەسس ورتالىقتا ءوتىپ جاتقان گراند-فينالدان «Jibek Joly» تەلەارناسى تىكەلەي كورسەتىلىم تاراتادى.

گراند- فينالدىڭ جالپى جۇلدە قورى - 54 ميلليون تەڭگە. ءوز سالماق دارەجەسى بويىنشا 1-ورىن العان جەڭىمپازدارعا 3 ميلليون تەڭگە، 2-ورىن العاندارعا 2 ميلليون تەڭگە، 3-ورىن يەلەنگەندەرگە 1 ميلليون تەڭگە سىياقى بەرىلەدى.

بۇل گراند-فينالدا چەمپيون اتانعاندار Street Workout بويىنشا الەم چەمپيوناتىندا قازاقستان اتىنان سايىسقا تۇسە الادى.

يدەيا اۆتورى، پروديۋسەر نۇرلان قويانبايەۆتىڭ ايتۋىنشا، بۇگىن الەم رەكوردى ورناۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى