ساباققا ۇيىقتار الدىندا ازىرلەنگەن ءجون ەكەن
The Daily Mail باسىلىمىنىڭ مالىمەتىنشە، عالىمدار 208 ستۋدەنتتى قاتىستىرىپ، زەرتتەۋ جۇرگىزگەن. ولاردىڭ ءبارى - تۇندە نەگىزىنەن التى ساعات قانا ۇيىقتايتىن جاستار. سىناق بارىسىندا ەرىكتىلەر ءتۇرلى سوزدەر مەن ءسوز تىركەستەرىن جاتتاۋى ءتيىس بولدى. سودان كەيىن ولاردىڭ ءبىر توبىنا ۇيىقتاۋ تاپسىرىلدى. ۇيقىدان سوڭ ەرىكتىلەر جاتتاعان سوزدەرىن رەت-رەتىمەن ەسكە ءتۇسىرۋى قاجەت بولدى. بۇدان كەيىن رەسپوندەنتتەردەن تاعى بىرنەشە تەست الىندى. تاجىريبە ناتيجەسىندە تاپسىرمادان سوڭ مىزعىپ، تىنىققان توپ جاقسى كورسەتكىشكە قول جەتكىزدى.
پسيحولوگ دجەسسيكا پەيننىڭ ايتۋىنشا، ۇيقى ەستە ساقتاۋ قابىلەتىن جاقسارتادى جانە ميداعى اقپاراتتاردىڭ يگەرىلۋىنە وڭ ىقپال ەتەدى. سول سەبەپتى قيىن تاپسىرمالاردان سوڭ ۇيقىنى قاندىرعان ءجون. پەين كەيبىر دارىستەر كەزىندە ستۋدەنتتەردىڭ ۇيقىسى كەلۋىن جاقسى نىشان دەپ سانايدى.
