گارري پوتتەر تۋرالى فيلمدەردىڭ جالعاسى تۇسىرىلەدى

«Warner Brosستۋدياسى «گارري پوتتەر مەن قارعىس اتقان بالا» كارتيناسىن ۇلكەن ەكرانعا شىعارۋ جولدارىن ىزدەپ جاتىر»، - دەدى The Sun ءتىلشىسى دەرەككوزگە سىلتەمە جاساپ.

مۇنداي شەشىم ۆەست- ەند تەاترىنداعى (West End theatre) پەسانىڭ تانىمالدىعىنا بايلانىستى قابىلدانعان.

«گارري پوتتەر مەن قارعىس اتقان بالا» فيلمىن ءتۇسىرۋ جوسپارى باستاپقى كەزەڭدە ەكەنى ناقتىلاندى.

رەجيسسەرلەر دەنيەل رەدكليففتى ءوز رولىنە ورالۋعا شاقىرۋدى جوسپارلاپ وتىر.

«فيلممەن جۇمىس ىستەپ جاتقان ءاربىر جان دەنيەل رەدكليففتى باستى رولدى كورگىسى كەلىپ جاتىر. الايدا الدىمەن ونىڭ بولىمدەرىن بەلگىلەپ، سسەناريىن جازۋ كەرەك جانە بيۋدجەت ناقتىلاۋ قاجەت»، - دەپ جازدى The Sun.

فيلم ۇلكەن ەكرانعا ەكى بولىمدە شىعادى.

باسىلىمنىڭ اتاپ وتۋىنشە، دەنيەلمەن بىرگە گارري پوتتەر فيلمدەرىنە تۇسكەن گەرميونا گرەيندجەردىڭ ءرولىن سومداعان ەمما ۋوتسون اكتەرلىك مانسابىن جالعاستىرسا، رون رولىمەن تانىمال رۋپەرت گرينت جىلجىمايتىن مۇلىك سالاسىندا بيزنەسكە كەتكەن.

گارري پوتتەر تانىمال فرانشيزاسى الەمدىك پروكاتتا 6,4 ميلليارد فۋنت ستەرلينگتەن استام قاراجات جيناعان ەدى.

فوتو: thesun.co.uk

اۆتور

اقبوپە ءابدراسۋل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى