الماتىلىق كارديولوگتەر تەكسەرۋ كەزىندە جۇرەگى توقتاپ قالعان پاتسيەنتتى امان ساقتاپ قالدى

ەمدەۋ مەكەمەسىنىڭ باسپا ءسوز قىزمەتى ءمالىم ەتكەندەي، 75 جاستاعى قارت ناۋقاس حيرۋرگيالىق بولىمشەگە جولدامامەن ءجىتى حولەتسيستيت، پانكرەاتيت دياگنوزىمەن ءتۇستى. پاتسيەنت كوپ جىل جۇرەكتىڭ شاعۋى اۋرۋى بويىنشا كارديولوگ دارىگەردىڭ ەسەبىندە تۇر.

№7 ق ك ا- نىڭ كارديولوگيا بولىمشەسىنىڭ مەڭگەرۋشىسى ايگۇل دوسقۇلوۆانىڭ ايتۋىنشا، ناۋقاسقا شۇعىل كوروناروگرافيا جۇرگىزىلدى. تەكسەرۋ بارىسىنا وڭ جاق قارىنشاارالىق تارماقتىڭ ءجىتى ترومبوزى انىقتالدى.

«كوروناروگرافيا كەزەڭىندە قارىنشاارالىق تارماقتى ستەنتتەۋمەن پاتسيەنتتىڭ جۇرەك قىزمەتى توقتاپ قالدى، جەدەل تۇردە بارلىق قاجەتتى رەانيماتسيالىق شارالار ءساتتى جۇرگىزىلدى، جۇرەك- وكپە رەانيماتسياسى حاتتاماسىنا سايكەس جانە جۇرەك ىرعاعى قالپىنا كەلتىرىلدى. جۇرەك قىزمەتىنىڭ توقتاپ قالۋىنا قاراماستان، ستەنتپەن كورونوگرافيا ءساتتى جۇرگىزىلدى، سودان كەيىن پاتسيەنت ودان ءارى باقىلاۋ جانە ەمدەۋ ءۇشىن رەانيماتسيا بولىمشەسىنە اۋىستىرىلدى، ەمدىك جانە دياگنوستيكالىق ۇسىنىستار بەرىلدى» ، - دەيدى دارىگەر.

75 جاستاعى ناۋقاس كارديولوگيا بولىمشەسىندە 13 كۇن جاتتى، وڭ ديناميكامەن ۇيىنە شىعارىلدى. پاتسيەنتتە اۋقىمدى ميوكارد ينفاركتىسى بولعانىن ەسكەرە وتىرىپ، گەماتولوگ مامانداردىڭ بارلىق باسقا ۇسىنىستارى ميوكارد ينفاركتىسىنىڭ اسقىنۋ كەزەڭىنەن، قالپىنا كەلتىرۋ جانە وڭالتۋ كەزەڭىنە دەيىن امبۋلاتوريالىق ەمدەۋ ۇسىنىلدى.

«كەيدە ينفاركت بەلگىسىز بولۋى مۇمكىن جانە ونى ءجىتى حيرۋرگيالىق پاتولوگيامەن شاتاستىرۋعا بولادى. سونىمەن قاتار، ينفاركتتىڭ جاسىرىن بەتپەردەسى بار ەكەنىن ۇمىتپاۋىمىز كەرەك. ينفاركتتىڭ استماتيكالىق نۇسقاسى دەمىكپە سياقتى كلينيكالىق تۇردە ءجۇرۋى مۇمكىن: ەنتىگۋ، اۋا جەتىسپەۋشىلىگى. ينفاركت پاتسيەنت تەكسەرۋ كەزىندە بەلگى بەرە الاتىن ءوزىنىڭ ناقتى كلاسسيكالىق ءتۇرىن وزگەرتكەنىن ۇمىتپاۋ كەرەك. جاس كورسەتكىشىن، ارتەريالىق گيپەرتونيانىڭ بولۋىن ەسكەرۋ قاجەت. سول سياقتى، قانت ديابەتى، ول مۇلدەم بەلگى بەرمەۋى مۇمكىن، ءبىراق جالپى السىزدىك، ەنتىگۋ، شارشاۋ سەزىمى رەتىندە وتەدى. سوندىقتان كەز - كەلگەن دارىگەر ينفاركتتىڭ بەلگىسىز ەمەس تۇرلەرىن ءاردايىم ەستە ۇستاۋى كەرەك»، - دەپ اتاپ ءوتتى ايگۇل دوسقۇلوۆا.

دارىگەر مۇنداي جاعدايلاردىڭ ۋاقتىلى دياگنوستيكاسى ەلەكتروكارديوگرافيالىق مالىمەتتەرمەن جانە تروپونينگە قان تالداۋىن جاسۋىمەن راستالۋى كەرەك ەكەنىن اتاپ ءوتتى.

بۇگىنگى كۇنى ءجىتى كورونارلىق سيندرومدى ۋاقتىلى دياگنوستيكالاۋ جانە دۇرىس كومەك كورسەتۋ كەنەتتەن ءولىم قاۋپىن بولدىرمايدى.

اۆتور

الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى