لۋۆردا قازاق ونەرىنىڭ كورمەسى وتەدى
«فرانسيانىڭ قازاقستانداعى توتەنشە جانە وكىلەتتى ەلشىسى ديدە كانەسس مىرزامەن كەزدەستىم. كەزدەسۋدە ەكى مەملەكەت اراسىنداعى مادەني جانە سپورت سالاسىنداعى ىنتىماقتاستىق پەن الداعى جوبالاردى تالقىلادىق. كۇن تارتىبىندەگى ەڭ ماڭىزدىلاردىڭ ءبىرى، ارينە، 2024 -جىلعى وليمپيادا تاقىرىبى بولدى.
قاراشا ايىندا قوس مەملەكەت باسشىلارىنىڭ كەزدەسۋىندە 2025-2026 -جىلدارى فرانسيادا قازاق مادەنيەتىنىڭ كۇندەرىن وتكىزۋ تۋرالى شەشىم قابىلداندى. بۇگىن ءبىز لۋۆردا قازاق ونەرىنىڭ كورمەسىن، سونداي- اق ارتيستەرىمىز بەن شىعارماشىلىق ۇجىمدارىمىزدىڭ قاتىسۋىمەن پاريجدە اۋقىمدى كونسەرت وتكىزۋ مۇمكىندىگىن تالقىلادىق. بۇل مادەنيەت قايراتكەرلەرى ءۇشىن قۇندى تاجىريبە بولادى دەپ سانايمىن»، - دەپ جازدى ۆەدومستۆو باسشىسى الەۋمەتتىك جەلىدەگى پاراقشاسىندا.
ءوز كەزەگىندە كانەسس فرانسۋز كينويندۋسترياسى قازاقستانعا ۇلكەن قىزىعۋشىلىق تانىتىپ وتىرعانىن ايتقان. مىسالى، فرانتسيانىڭ كينومەكتەپتەرى ءبىزدىڭ ستۋدەنتتەر وقي الاتىن جانە ولارمەن تاجىريبە الاتىن باعدارلاما ازىرلەۋگە دايىن. ال فرانسۋز كينوپروكاتشىلارى ءبىزدىڭ كينوتەاترلارمەن تىكەلەي ىنتىماقتاستىق ورناتۋعا نيەت بىلدىرۋدە.
«ەندى فرانسيادا وتەتىن وليمپياداعا كەلەتىن بولساق. ەلشىلىك قازىردىڭ وزىندە ءتورتجىلدىقتىڭ باستى سپورتتىق ءىس- شاراسىنا ارنالعان ءتۇرلى ءىس- شارالار ۇيىمداستىرىپ جاتىر.
مىسالى، 14-ناۋرىزدا وليمپيادا باستالاردان 500 كۇن بۇرىن الماتىدا بالالار اراسىنداعى «الەم اينالاسىنداعى ەستافەتا» حالىقارالىق جارىسىنىڭ كەزەڭى وتەدى. سونداي- اق، ەلشى الماتىدا دزيۋدوشىلار مەن كاراتەشىلەردىڭ دەمونستراتسيالىق قويىلىمدارىن، پاراليمپياداشىلاردىڭ قاتىسۋىمەن وتەتىن ءىس- شارانى جانە پاريج وليمپياداسىنىڭ باعدارلاماسىنا ەنگەن برەيكدانس بويىنشا ءتۋرنيردى ۇيىمداستىرۋعا نيەت ءبىلدىردى.
وسى ورايدا مادەنيەت، تۋريزم جانە سپورت سالاسىنداعى بىرلەسكەن جۇمىسىمىز الداعى ۋاقىتتا دا كۇشەيتىلەتىنىن اتاپ وتكىم كەلەدى»، - دەپ جازدى اسحات ورالوۆ.
