قىتايمەن شەكاراداعى «دوستىق» بەكەتىندە ەلەكتروندى كەزەك الۋ ەرەجەسىن بۇزعانداردىڭ اككاۋنتتارى بۇعاتتالدى
«مەملەكەتتىك دەرەكتەر بازاسى ارقىلى تەكسەرىستەن قازاقستاندىق تاسىمالداۋشىلار وتەتىندىكتەن، بىزدە شەتەلدىك تاسىمالداۋشىلار بويىنشا باسقا بازالارمەن ينتەگراتسيا جاسالماعان. تيىسىنشە، ايلا- شارعى جاساۋ دەرەكتەرى تىركەلگەن. ماسەلەن، بىرنەشە شەتەلدىك كومپانيانىڭ وكىلدەرى مەملەكەتتىك نومىرلەردى وزگەرتۋ، ياعني ءبىرىنشى جاعدايدا سىزىقشا قويىپ، ەكىنشى رەت بوس ورىن قالدىرۋ سەكىلدى ءبىر نومەردى تۇرلەندىرۋ ارقىلى كەزەك العان. وسىلايشا، ولار ءوز كليەنتتەرىنىڭ كولىگىن جىلجىتۋ مۇمكىندىگىنە يە بولعان»، - دەيدى ق ر ق م «اقپاراتتىق- ەسەپتەۋ ورتالىعى» ا ق باس مامانى ازامات قۇرمانوۆ.
تالداۋلار كورسەتكەندەي، سەرۆيس ىسكە قوسىلعالى بەرى ەكى اي ىشىندە «دوستىق» بەكەتى ارقىلى شەكارادان 1759 كولىك وتكەن، ونىڭ 1108 ءى نەمەسە 63 پايىزى - وسى پايدالانۋشىلاردىڭ كولىكتەرى.
«پايدالانۋشى كەلىسىمشارتىن بۇزعانى ءۇشىن ولاردىڭ اككاۋنتتارى بۇعاتتالعان. ەگەر بروندا كورسەتىلگەن ءنومىرلى فۋرالار شەكاراعا كەلسە، ولار وتە الادى، ءبىراق اتالعان پايدالانۋشى كەزەكتى وزگەرتۋ نەمەسە قانداي دا ءبىر بروندى جىلجىتۋ قۇقىعىنان ايىرىلادى.
كەلىسىمشارتقا ساي، ونى بۇزعان پايدالانۋشى اككاۋنتى 90 كۇنتىزبەلىك كۇن وتكەننەن كەيىن بۇعاتتان شىعارىلادى نەمەسە سوتتىڭ شەشىمى بويىنشا وعان دەيىن جۇزەگە اسۋى مۇمكىن. ماتەريالدار قۇقىق قورعاۋ ورگاندارىنا بەرىلەدى»، - دەيدى ازامات قۇرمانوۆ.
ايتا كەتسەك، ەلەكتروندى كەزەك سەرۆيسى قازاقستان- قىتاي شەكاراسىنداعى «دوستىق» ، «نۇر- جولى» وتكىزۋ بەكەتتەرىندە ەنگىزىلگەن.
وسى ايدىڭ اياعىنا دەيىن وزبەكستان جانە تۇرىكمەنستانمەن شەكارادا دا جۇيەنى قولدانىسقا ەنگىزۋ جۇمىستارى اياقتالماق.
