ىستانبۇلداعى قازاقتار جەر سىلكىنىسىنەن زارداپ شەككەندەرگە كومەك جينادى

«ىستانبۇلداعى قازاقتار جەر سىلكىنىسىنەن زارداپ شەككەندەرگە كومەك جولداپ جاتىر قازاقستاننىڭ ىستانبۇلداعى باس كونسۋلدىعى، ەلىمىزدىڭ بەلسەندى ازاماتتارى، ستۋدەنتتەر جانە جەرگىلىكتى قازاق دياسپوراسى تۇركيانىڭ الاپات ءزىلزالا سالدارىنان زارداپ شەككەن ايماقتارىنا گۋمانيتارلىق كومەك جولداۋ بويىنشا بەلسەندى جۇمىس ىستەۋدە. وسى ۋاقىتقا دەيىن سوماسى شامامەن 160 مىڭ اقش دوللارىن قۇرايتىن كومەك جينالىپ، جونەلتىلدى. اتاپ ايتقاندا، بالالار تاعامدارى، بالالار كيىمدەرى، جورگەكتەر، ازىق- تۇلىك، جىلى كيىمدەر، كورپەلەر جانە ت. ب. قاجەتتى ونىمدەر جولدانۋدا. گۋمانيتارلىق كومەك تۇرىك بيلىك ورگاندارىنىڭ كەلىسىمىمەن جاسالۋدا»، - دەلىنگەن حابارلامادا.

باس كونسۋل ءالىم بايەل بۇكىل قازاقستان جۇمىلىپ باۋىرلاس تۇركياعا قولداۋ كورسەتىپ جاتقان ساتتە بۇل كومەككە ءوز ۇلەسىن قوسىپ جاتقان ىستانبۇلداعى قازاقتارعا العىس ايتتى.

ەسكە سالساق، قازاقستاندىقتار تۇركيا حالقىنا كومەك رەتىندە 100 گە جۋىق كيىز ءۇي جىبەرەدى.

قازاقستان ۇكىمەتى تۇركياعا گۋمانيتارلىق كومەك رەتىندە $1 ميلليون ءبولدى. سونداي-اق

Kaspi.kz قوسىمشاسى ارقىلى تۇركيادا زارداپ شەككەندەرگە قاراجات اۋدارۋعا بولادى.

فوتو: t.me/pressmfakz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى