بالمۇزداق ساتىپ كاسىپ اشپاق بولعان شىمكەنتتىك قوماقتى قارجىسىنان ايىرىلدى
اباي اۋدانىنىڭ پوليتسيا باسقارماسىنا جەرگىلىكتى تۇرعىن جۇگىنگەن. ول ءوز ارىزىندا بەيتانىس ازامات كەلىپ، 2022 -جىلدىڭ ءساۋىر ايىندا «قوشقار اتا» دەمالىس ايماعىندا بالمۇزداق ساتاتىن ورىندى زاڭداستىرىپ بەرەمىن دەپ سەنىمىنە كىرگەنىن، وسىلايشا الاياقتىق جولمەن الدىن الا 500 مىڭ تەڭگە الىپ كەتكەنىن كورسەتكەن. ءتارتىپ ساقشىلارى اتالعان دەرەكتى ق ر ق ك-نىڭ 190-بابىمەن (الاياقتىق) تىركەۋگە الدى.
پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزىپ، ناتيجەسىندە كۇدىكتىنىڭ «ءىزىن سۋىتپاي» تاۋلىك ىشىندە قولعا ءتۇسىردى. ول شىمكەنت قالاسىنىڭ 42 جاستاعى تۇرعىنى بولىپ شىقتى. جوعارى ءبىلىمدى، ۋاقىتشا جۇمىسسىز. بۇرىن-سوڭدى ءىستى بولماعان. تەرگەۋ كەزىندە ۇستالعان ازامات ويلانباي جاساعان ارەكەتىنىڭ سوڭى قىلمىستىق جازامەن اياقتالاتىنىن بىلمەگەندىگىن العا تارتىپ، بۇل ءۇشىن وكىنەتىنىن جەتكىزدى. قازىرگى كەزدە سوتقا دەيىنگى تەرگەۋ ارەكەتتەرى جالعاسىپ جاتىر.
