يراندا بيلىككە قارسى شەرۋگە شىققاندارعا راقىمشىلىق جاسالماق
ولار ەلدە تاياۋدا بولعان وقيعا بارىسىندا ۇستالعان بولاتىن، دەپ حابارلايدى قازاقپارات IRNA عا سىلتەمە جاساپ.
بۇل شەشىم يسلام ريەۆوليۋتسياسى جەڭىسىنىڭ 44 جىلدىعى مەن رادجاب ايى مەرەكەسىنە بايلانىستى قابىلدانىپ وتىر. شەتەلمەن بايلانىستى بولىپ، تىڭشىلىقپەن اينالىسقاندار، ادام ولتىرگەندەر مەن قاساقانا جاراقاتتاعاندار، مەملەكەتتىك، اسكەري جانە قوعامدىق نىسانداردى قيراتىپ، ورتەگەندەرگە راقىمشىلىق جاسالمايدى نەمەسە ۇكىمى جەڭىلدەمەيدى. «انادولۋ» مالىمەتىنشە، راقىمشىلىق جاسالاتىنداردىڭ ناقتى سانى سوت ورگاندارىنىڭ باعالاۋىنان كەيىن بەلگىلى بولادى.
ايتا كەتسەك، يراندا 17-قىركۇيەكتە 22 جاستاعى ماحسى ءامينيدىڭ ولىمىنەن كەيىن اۋقىمدى نارازىلىقتار بولدى. بويجەتكەندى 13-قىركۇيەكتە پوليتسيا «حيدجابتى دۇرىس كيمەگەنى» ءۇشىن ۇستاعان جانە 16-قىركۇيەكتە قايتىس بولعان.
وعان جاۋاپ رەتىندە يراننىڭ ونداعان قالاسىنىڭ تۇرعىندارى كوشەگە شىقتى. ەلدە بىرنەشە ايعا سوزىلعان نارازىلىق اكسياسى بارىسىندا 10 مىڭنان استام ادام ۇستالدى.
وعان قاتىسقان 1 مىڭنان استام ادام سوتتالدى، تورتەۋى ءولىم جازاسىنا كەسىلدى. نورۆەگياداعى يران ادام قۇقىقتارى ۇيىمى (IHR) 9-قاڭتاردا جاپپاي نارازىلىق اكسياسى كەزىندە 481 ادامنىڭ قازا تاپقانىن مالىمدەدى.
