فۋتبولدان ەۋروپا بىرىنشىلىگى: قازاقستان جاستار قۇراماسىنىڭ قارسىلاستارى انىقتالدى

جەرەبە تارتۋ راسىمىندە جەتى توپتا التى قۇراما توپتاسسا، ەكەۋىندە بەسەۋدەن جاساقتالعان.

قازاقستاندىق فۋتبولشىلار ۆ توبىندا سىنعا تۇسەدى. قارسىلاستارى - ۆەنگريا، شوتلانديا، مالتا، بەلگيا جانە يسپانيا قۇرامالارى.

تۋرنيردىڭ فينالدىق ساتىسىنا 15 قۇراما شىعۋعا مۇمكىندىك الادى. وعان جارىستى ۇيىمداستىرۋشى ەل رەتىندە سلوۆاكيا قوسىلادى.

ىرىكتەۋ ساتىسى 2023-جىلدىڭ ناۋرىز جانە 2024-جىلدىڭ قاراشا ايلارى ارالىعىندا وتكىزىلەدى. ءاربىر توپتان جەڭىمپاز جانە ۇزدىك ناتيجەگە قول جەتكىزگەن ءۇش قۇراما تىكەلەي جولداما الادى.

ال توبىندا ەكىنشى ورىن العان قالعان التى قۇراما قالعان ءۇش جولداما ءۇشىن وتپەلى ويىندار وتكىزەدى.

قۇرامالاردىڭ توپتارعا ءبولىنۋى تومەندەگىشە:

A توبى: يتاليا، يرلانديا، نورۆەگيا، تۇركيا، لاتۆيا، سان مارينو

B توبى: يسپانيا، بەلگيا، شوتلانديا، ۆەنگريا، قازاقستان، مالتا

C توبى: نيدەرلاند، شۆەتسيا، گرۋزيا، سولتۇستىك ماكەدونيا، مولدوۆا، گيبرالتار

D توبى: گەرمانيا، پولشا، يزرايل، بولگاريا، كوسوۆو، ەستونيا

E توبى. رۋمىنيا، شۆەيتساريا، فينليانديا، البانيا، چەرنوگوريا، ارمەنيا

F توبى: انگليا، ۋكراينا، سەربيا، سولتۇستىك يرلانديا، ازەربايجان، ليۋكسەمبۋرگ

G توبى: پورتۋگاليا، حورۆاتيا، گرەكيا، بەلارۋس، فارەر ارالدارى، اندوررا

H توبى: فرانسيا، اۆستريا، سلوۆەنيا، بوسنيا جانە گەرتسوگوۆينا، كيپر

I توبى: دانيا، چەحيا، يسلانديا، ۋەلس، ليتۆا

ەسكە سالساق، بۇدان بۇرىن فۋتبولدان كلۋبتار اراسىنداعى الەم چەمپيوناتى باستالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى