قازاق اسكەرى تۇركياداعى اسكەري جاتتىعۋلارعا قاتىسىپ جاتىر

شاراعا الەمنىڭ 17 ەلىنىڭ اسكەرى قاتىسۋدا.

جاتتىعۋلار 10-قاڭتاردا باستالىپ، تۇرىك قارۋلى كۇشتەرىنىڭ 14-شى موتواتقىشتار بريگاداسى قولباسشىلىعىنىڭ جاۋاپتى ايماعىنداعى اتىس پوليگونىندا ءوتىپ جاتىر. جاتتىعۋلاردى ۇيلەستىرۋ تۇركيا رەسپۋبليكاسى قارۋلى كۇشتەرى قۇرلىق اسكەرلەرىنىڭ 9-شى كورپۋسىنىڭ قولباسشىلىعىنا جۇكتەلگەن.

جالپى، قىسقى وقۋ-جاتتىعۋلارعا 1758 اسكەري قىزمەتكەر قاتىسىپ، 651 تەحنيكا جۇمىلدىرىلعان، 865 قارۋ- جاراق قولدانىلۋدا. وقۋ- جاتتىعۋلارعا سونداي-اق اۆياتسيا، تانك بريگادالارى، ارتيللەريالىق بولىمشەلەر، مينومەتشىلەر مەن مەرگەندەر، سونداي-اق ارنايى جاساق بولىمشەلەرى تارتىلدى.

كوماندالاردى دايىنداۋدىڭ نەگىزگى مىندەتى - قىسقى جاعدايدا تەحنيكالىق قىزمەت كورسەتۋ جانە باقىلاۋ جۇيەسىنىڭ جۇمىسىن قامتاماسىز ەتۋ. جالپى مىندەتتەر اياسىندا بىرلەسكەن ءىس- قيمىلدار كەزىندە ءوزارا ءىس-قيمىل مەن ۇيلەستىرۋدى قامتاماسىز ەتۋ، جاۋىنگەرلىك تەحنيكانىڭ جۇمىسىن باقىلاۋ، سونداي- اق بولىمشەلەردىڭ ارنايى مۇمكىندىكتەرىن قامتاماسىز ەتۋ بويىنشا اسكەرلەردىڭ دايىندىق دەڭگەيى تەكسەرىلەدى.

قازاقستاندىق اسكەري قىزمەتشىلەر مۇنداي وقۋ-جاتتىعۋلارعا 2022 -جىلى قازاقستاننىڭ ارنايى وپەراتسيالىق كۇشتەرى قۇرىلعاننان بەرى العاش رەت قاتىسۋدا. ولار حالىقارالىق دەڭگەيدە جاۋىنگەرلىك دايىندىقتا ايتارلىقتاي جاقسى ناتيجەلەر كورسەتۋدە.

جاتتىعۋلار 2-اقپاندا اياقتالادى.

اقجىگىت شۇكىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى