ا ق ش- تا بالا تۋۋ كورسەتكىشى جەتى جىلدا العاش رەت ءوستى

ا ق ش- تىڭ اۋرۋلاردى باقىلاۋ جانە الدىن الۋ ورتالىقتارى ۇلتتىق دەنساۋلىق ستاتيستيكاسى ورتالىعىنىڭ ەسەبىندە 2021-جىلى 3664292 بالانىڭ دۇنيەگە كەلگەنى كورسەتىلگەن، بۇل 2020-جىلمەن سالىستىرعاندا 1 پايىزعا جوعارى. بۇل كورسەتكىش 2014-جىلدان بەرى العاش رەت ءوسىپ وتىر. ماسەلەن، 2014-2019-جىلدار ارالىعىندا بالا تۋۋ جىلىنا ورتا ەسەپپەن 1 پايىزعا تومەندەسە، 2019-2020-جىلدار ارالىعىندا 4 پايىزعا ازايعان، بۇل ەلدەگى پاندەميا مەن ەكونوميكالىق بەلگىسىزدىككە بايلانىستى. قۇجاتتا ا ق ش- تاعى ايەلدەردىڭ بالا كوتەرۋ كوەففيتسيەنتى (اعزانىڭ بالا كوتەرۋ قابىلەتى) 2020-جىلدان 2021-جىلعا دەيىن 1 پايىزعا ءوسىپ، رەپرودۋكتيۆتى جاستاعى 1000 ايەلگە شاققاندا 56,3 تۋۋدى قۇرادى.

سونىمەن بىرگە حالىقتىڭ ەتنيكالىق تەگىنە بايلانىستى بالا تۋۋ سانىندا ايىرماشىلىقتار بار. اق جانە يسپان تىلىندە سويلەيتىن ايەلدەر اراسىندا 2020-2021-جىلدار ارالىعىندا ءار توپتا بالا تۋۋ كورسەتكىشى 2 پايىزعا وسكەن. الايدا، افروامەريكالىق جانە ازيالىق ايەلدەر 2020-جىلدان 2021-جىلعا دەيىن بالا تۋۋ كورسەتكىشى 2 پايىزعا، ال امەريكالىق ۇندىستەر مەن الياسكا ايەلدەرى اراسىندا 3 پايىزعا ازايدى. گەوگرافيالىق بولىنىستە بالا تۋۋ سانى 2020-جىلدان 2021-جىلعا دەيىن 16 شتاتتا وسكەن جانە ءبىر شتاتتا - نيۋ-مەكسيكودا ازايدى. 16 شتاتتىڭ ىشىندە كوننەكتيكۋت، ماسساچۋسەتس جانە نيۋ-گەمپشيردە ەڭ جوعارى كورسەتكىش - 5-6 پايىز تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى