قازاقستاندىقتار ماجىلىستە قانداي پارتيالاردى كورگىسى كەلەدى - ساۋالناما

«قوعامدىق پىكىر» زەرتتەۋ ينستيتۋتى بيىلعى 25-28- قاڭتار ارالىعىندا تەلەفون ارقىلى ساۋالناما جۇرگىزدى. وعان 17 وبلىستان جانە استانا، الماتى، شىمكەنت قالالارىنان 18 جاستان اسقان 1200 رەسپوندەنت قاتىسقان.

قوعامدىق ساۋالناما ناتيجەسى كورسەتكەندەي، كەزەكتەن تىس پارلامەنت سايلاۋىندا داۋىس بەرۋگە نيەتتىلەردىڭ 48,6 پايىز AMANAT پارتياسىن قولداۋعا بەل بۋىپ وتىر. «اۋىل» پارتياسى وكىلدەرىن قولدايتىندار - 6,2 پايىز، ال «اقجول» ءۇشىن حالىقتىڭ 5,4 پايىز داۋىس بەرمەك.

باسقا پارتيالار بويىنشا ساۋالناما قورىتىندىسى: قازاقستان حالىق پارتياسى - 4,8 پايىز، Respublica - 3,6 پايىز، جالپىۇلتتىق سوتسيال- دەموكراتيالىق پارتياسى - 3,2 پايىز جانە «بايتاق» 2,8 پايىز.

رەسپوندەنتتەردىڭ 2,6 پايىزى «بارلىعىنا قارسىمىن» باعانىن بەلگىلەمەك.

ساۋالناماعا قاتىسقانداردىڭ 22,8 پايىز پارتيالار بويىنشا جەكە تاڭداۋىن ءالى جاساماعان.

سايلاۋشىلاردىڭ كوپشىلىگى ساياسي پليۋراليزمدى جاقتايدى: تومەنگى پالاتادا بەس نەمەسە ودان كوپ پارتيانىڭ بولعانىن قولدايتىندار - 27,8 پايىز، سونداي-اق 6,6 پايىز - ءتورت، 16,8 پايىز - ءۇش، 12، پايىز ەكى پارتيالى ءماجىلىستى قالايدى.

سيفرلاردىڭ اۋىتقۋى +/- 2,8 پايىز قۇرايدى.

ازاماتتاردىڭ الداعى سايلاۋعا قاتىستى پىكىرىن ءبىلۋ ورتالىق سايلاۋ كوميسسياسىنىڭ رەسمي رۇقساتىمەن جۇرگىزىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى