تۇركىستاندىق وقۋشى قىمىز قۇياتىن روبوت ويلاپ تاپتى

Оtyrar.kz سايتىنىڭ جازۋىنشا، كەز كەلگەن ادام بۇل روبوتقا ارنايى پلاستيكالىق كارتانى جاقىنداتۋ ارقىلى اسىلبەكتى سويلەتە باستايدى. سودان كەيىن روبوت قىمىزدىڭ شيپالى قاسيەتى تۋرالى قىسقاشا ماعلۇمات بەرەدى ءارى ىدىسقا پايدالى سۋسىن قۇيادى.

«روبوتتاردىڭ تۇرلەرىنە، جۇمىس ىستەۋ پرينتسيپتەرىنە قىزىعۋشىلىعىم بۇرىننان بار بولاتىن. مۇنداي روبوت قۇراستىرۋ يدەياسى مەكتەبىمىزدە وتكەن ينفورماتيكا ءپانى اپتالىعىندا ۇيىمداستىرىلعان روبوتتار كورمەسى كەزىندە تۋدى. «اسىلبەك» روبوتىن جاساۋ تۋرالى ويىممەن الدىمەن مۇعالىمىم لاۋرا اپايمەن ءبولىستىم. ول يدەيامدى قولداپ، قۇراستىرۋدا كومەكتەسەتىنىن ايتتى. مەنىڭ روبوتىم وقۋشىلاردىڭ روبوتوتەحنيكاعا دەگەن قىزىعۋشىلىعىن ارتتىرۋمەن قاتار، ەمدىك قاسيەتكە يە سۋسىن ارقىلى جاستاردىڭ اراسىندا سالاۋاتتى ءومىر سالتىن دارىپتەيدى. ۇلتتىق سۋسىنىمىزدى ناسيحاتتايتىن بولعاندىقتان، «اسىلبەكتىڭ» ۇلتتىق كيىمدە بولعانى دۇرىس دەپ شەشتىك»، - دەيدى جانسۇلتان.

ونىڭ قىمىز قۇياتىن روبوت جوباسى عىلىمي جوبالار بايقاۋىنىڭ اۋداندىق جانە وبلىستىق كەزەڭدەرىندە جۇلدەلى بولدى.

فوتو: kz.otyrar.kz

رەداكتور

اسحات رايقۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى