دەنە قىزۋى كوتەرىلسە، قالاي تۇسىرگەن ءجون - دارىگەر كەڭەسى

دارگەردىڭ سوزىنشە، دەنە قىزۋى 38 گرادۋستان جوعارى بولماسا، ءدارى ءىشۋ قاجەت ەمەس.

«دەنە تەمپەراتۋراسىن C38 دەيىن كوتەرىلگەن جاعدايدا ءتۇسىرۋ ۇسىنىلمايدى، سەبەبى بۇل ورگانيزمنىڭ ينفەكتسيالىق اگرەسسورعا قورعانىس رەاكتسياسى. دەنە تەمپەراتۋراسىنىڭ جوعارىلاۋىنان پاتوگەندىك باكتەريالار مەن ۆيرۋستار ولەدى، ءبىراق ءاربىر ورگانيزم جەكە. بىرەۋ اياقتا ءجۇرىپ، 37-38 گرادۋس تەمپەراتۋراعا شىداي الادى جانە دەنە قىزۋىن ءتىپتى بايقامايدى دا ونى تۇسىرۋگە اسىقپايدى، بۇل اعزانىڭ كۇرەسۋىنە مۇمكىندىك بەرەدى، ال ەندى بىرەۋ قىزۋ تۇسىرەتىن ءدارىسىز جۇرە المايدى. جوعارى تەمپەراتۋرانى ءوز بەتىنشە تۇسىرۋگە بولادى - مۇنى ىستەۋ ءۇشىن ماڭدايعا سالقىن كومپرەسس جاساپ، ونى شامامەن 30 مينۋت ۇستاپ، قىزۋدى باساتىن ءدارىنى قابىلداۋ كەرەك. ەڭ سەنىمدى دارىلەردىڭ ءبىرى - پاراتسەتامول، يبۋپروفەن»، - دەيدى بايان تاكىبايەۆا.

ايتۋىنشا، ەگەر دەنە تەمپەراتۋراسى 38,5 گرادۋستان جوعارى بولسا، وندا ونى مىندەتتى تۇردە قىزۋدى تۇسىرەتىن پرەپاراتتارمەن ءتۇسىرۋ كەرەك، ويتكەنى ول تىرىسپا، جۇرەككە كۇش ءتۇسۋ جانە قان اينالىمى جەتكىلىكسىزدىگى، ەستەن تانۋ، ميدىڭ ءىسىنۋى سىندى اسقىنۋلاردى تۋدىرۋى مۇمكىن.

الماتىلىق دارىگەر ءجىتى رەسپيراتورلىق ۆيرۋستىق ينفەكسيادان قالاي قورعانۋ كەرەكتىگىن دە ايتتى.

«قولدى ءجيى جۋۋ، رەسپيراتورلىق گيگيەنا - بۇل جوتەلگەندە جانە تۇشكىرگەندە اۋىز بەن مۇرىندى مايلىقپەن جابۋ، ادام كوپ جينالاتىن ورىندارعا بارۋدى شەكتەۋ ج ر ۆ ي جانە تۇماۋ جۇقتىرۋ قاۋپىن ازايتۋعا كومەكتەسەدى»، - دەدى 16№ قالالىق ەمحاناسىنىڭ جالپى تاجىريبە دارىگەرلەرى ءبولىمىنىڭ مەڭگەرۋشىسى بايان تاكىبايەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى