كانەلو الۆارەستىڭ قازاق انىنە بيلەگەن ءساتى ۆيدەوعا ءتۇسىپ قالدى

بوكسشى جاتتىعۋدى توقتاتىپ، تانىمال انگە بيلەگەن. ال ۆيدەونى Suleimen Promotions كومپانياسى Instagram-دا جاريالاعان.

«كانەلو قازاق ەلى مەن ونەرىن قاتتى قۇرمەتتەيدى. اسىرەسە، قازاق اندەرىنەن كەرەمەت اسەر الىپ، بيلەگەندى جاقسى كورەدى. بۇل - سول ساتتەن ۇزىندىلەر»، - دەلىنگەن جازبادا.

ۆيدەودا قازاقستاندىق بوكسشى بەك نۇرماعانبەتتىڭ بيلەگەنىن بايقاۋعا بولادى، سودان كەيىن الۆارەس تە «مەحوۆايا 8/1» توبىنىڭ «تويعا شاشۋ» انىنە بىرنەشە ءبي قيمىل جاسايدى.

پروموۋتەرلىك كومپانيا مالىمەتىنشە، بۇل - قازاقستاندىقتاردىڭ ەكىنشى ورتا سالماقتاعى ابسوليۋت الەم چەمپيونىمەن بىرلەسكەن جاتتىعۋى.

دايىندىققا ءابىلحان امانقۇل، ابىلايحان ءجۇسىپوۆ، دانيلا سەمەنوۆ جانە ەۆگەني پاۆلوۆ قاتىسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى