ءماجىلىس سايلاۋىندا قوعامدىق پىكىرگە ساۋالناما قالاي جۇرگىزىلەدى
ق ر و س ك رەسمي سايتىنا جاريالانعان قۇجاتقا قاراعاندا، «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 9-تارماعىنىڭ تالاپتارىنا سايكەس سايلاۋعا بايلانىستى قوعامدىق پىكىرگە ساۋال سالۋدى قازاقستان رەسپۋبليكاسىنىڭ زاڭناماسىنا سايكەس تىركەلگەن، قوعامدىق پىكىرگە ساۋالناما جۇرگىزۋ بويىنشا كەمىندە بەس جىل تاجىريبەسى بار زاڭدى تۇلعالار ءتيىستى قۇجاتتاردىڭ كوشىرمەلەرىن قوسا بەرىپ، بۇل تۋرالى ورتالىق سايلاۋ كوميسسياسىن جازباشا تۇردە الدىن الا حاباردار ەتە وتىرىپ جۇرگىزۋگە قۇقىلى.
ورتالىق سايلاۋ كوميسسياسىنا جىبەرىلەتىن حابارلامادا ساۋالناماعا قاتىساتىن جانە وسى سالادا جۇمىس تاجىريبەسى بار ماماندار تۋرالى، قوعامدىق پىكىرگە ساۋالناما جۇرگىزىلەتىن وڭىرلەر تۋرالى، قولدانىلاتىن تالداۋ ادىستەرى تۋرالى مالىمەتتەر كورسەتىلەدى.
سايلاۋعا بايلانىستى قوعامدىق پىكىرگە ساۋالناما جۇرگىزۋ ناتيجەلەرىن جاريالاعان كەزدە بۇقارالىق اقپارات قۇرالدارى، ونلاين-پلاتفورمالار ساۋالناما جۇرگىزگەن زاڭدى تۇلعانى، ساۋالناما جۇرگىزۋگە تاپسىرىس بەرگەن جانە ونىڭ اقىسىن تولەگەن تۇلعالاردى، ساۋالناما جۇرگىزىلگەن ۋاقىتتى، اقپارات جيناۋ ءادىسىن، سۇراقتىڭ ناقتى تۇجىرىمىن، ساۋالناماعا قاتىسقانداردىڭ سانى مەن ساۋالناما جۇرگىزۋ ناتيجەلەرىنىڭ قاتەلىك كوەففيتسيەنتىن كورسەتۋگە مىندەتتى.
قوعامدىق پىكىرگە ساۋالناما جۇرگىزۋ ناتيجەلەرىن، سايلاۋ، سايلاۋعا بايلانىستى وزگە دە زەرتتەۋلەر، كانديداتتاردى نە ساياسي پارتيالاردى قولداپ داۋىس بەرۋ ناتيجەلەرىنىڭ بولجامدارىن داۋىس بەرىلەتىن كۇننىڭ الدىنداعى بەس كۇن ىشىندە (2023 -جىلعى 14 – 18-ناۋرىز ارالىعىندا) جانە داۋىس بەرىلەتىن كۇنى (2023 -جىلعى 19-ناۋرىزدا) ينتەرنەت جەلىسىندە جاريالاۋعا جول بەرىلمەيدى.
«سايلاۋعا بايلانىستى قوعامدىق پىكىرگە ساۋال سالۋدى جۇرگىزۋ شارتتارىن بۇزۋ ادامدى اكىمشىلىك جاۋاپتىلىققا تارتۋعا نەگىز بولىپ تابىلادى (ا ق ب ت ك-نىڭ 120-بابى)»، - دەلىنگەن حابارلامادا.
