الماتىدا وزىنە پىشاق سالعان ەر ادامنىڭ جاعدايى اۋىر

بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى قازاقپارات ءتىلشىسى.

«ناۋقاس 7№ قالالىق كلينيكالىق اۋرۋحاناعا مويىن جانە ءىش ايماعىنداعى جاراقاتپەن اۋىر حالدە ءتۇستى. ساعات 15:30 داعى جاعداي بويىنشا، ناۋقاسقا وتا جاسالىپ جاتىر»، - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.

بۇعان دەيىن الماتى قالالىق پوليتسيا دەپارتامەنتى «اقساي» ىقشاماۋدانىندا ەر ادام كولىك ۇرلاپ، جول اپاتىنا تۇسكەنى تۋرالى مالىمدەگەن بولاتىن.

ونى ۇستاماق بولعان كەزدە كۇدىكتى وزىنە پىشاق سۇعىپ العان.

الەۋمەتتىك جەلىدە ەر ادامنىڭ جەردە قانسىراپ جاتقان ۆيدەوسى تارادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى