بودەنە جۇمىرتقاسىنىڭ پايداسى مەن زيانى قانداي؟

قۇرامى

ءبىر بودەنە جۇمىرتقاسىندا 0,18 گرام كومىرسۋ، 4,99 گرام ماي جانە 5,87 گرام اقۋىز بار. ءبىر قىزىعى، كىشكەنتاي مولشەرىنە قاراماستان، مۇنداي جۇمىرتقا تاۋىق ەتىنەن گورى تويىمدى. 100 گرام ونىمدە 168 ككال بار. ال تاۋىق جۇمىرتقاسىنىڭ 100 گرامىندا 142 ككال بار.

«بودەنە جۇمىرتقاسى - پايدالى دارۋمەندەر مەن مينەرالداردىڭ قورى. ونىڭ قۇرامىندا ناتري، تەمىر، كالي، ا دارۋمەنى بار»، - دەپ جازادى sabah.

پايدالى قاسيەتتەرى

قۇرامىنا بايلانىستى بودەنە جۇمىرتقاسى يممۋندىق جۇيەنى نىعايتۋعا كومەكتەسەدى. سونىمەن قاتار، بۇل ءونىم تەمىر تاپشىلىعى انەمياسىنىڭ الدىن الۋ ءۇشىن پايدالى. بۇل جۇمىرتقا قۋاتتى ساقتايتىندىقتان تاڭعى اسقا تاپتىرمايتىن ءونىم.

بودەنە جۇمىرتقاسى جوتەل مەن دەمىكپەگە دە پايدالى. داۋىسىڭىز ءالسىز نەمەسە داۋىسىڭىز قارلىعىڭقى بولسا، بۇل ءونىم تاماقتى قالپىنا كەلتىرۋگە كومەكتەسەدى. ونى شيكى كۇيىندە عانا ءىشۋ كەرەك. كۇنىنە ءبىر شيكى بودەنە جۇمىرتقاسىن جەۋدى ادەتكە اينالدىرىڭىز سوندا تىنىس الۋ پروبلەمالارىنان ارىلا الاسىز.

سونىمەن قاتار، بودەنە جۇمىرتقاسىندا انتيوكسيدانتتار بار. مۇنداي ءونىم قان قىسىمىن تومەندەتۋگە جانە جۇرەككە پايدا اكەلەدى. بودەنە جۇمىرتقاسى جارالار مەن كەسىلگەن جەرلەردى تەز ەمدەۋگە دە ەم. سونىمەن قاتار تەرىنىڭ قارتايۋ پروتسەسىن باسەڭدەتۋگە جانە مايدا اجىمدەردەن ارىلۋعا كومەكتەسەدى.

بودەنە جۇمىرتقاسى كورۋ قابىلەتىنە جانە ەرلەردىڭ دەنساۋلىعىنا پايدالى.

ساراپشىلار بودەنە جۇمىرتقاسىن شيكى تۇرىندە جەۋگە كەڭەس بەرەدى: تەرميالىق وڭدەۋ كەزىندە پايدالى مينەرالدار نەگىزىنەن جويىلادى.

قورەكتىك زاتتار تۋرالى ايتاتىن بولساق: بودەنە جۇمىرتقاسىندا تاۋىق جۇمىرتقاسىنان گورى ماگني ءۇش ەسە دەرلىك جوعارى جانە 28 پايىز كوپ تەمىر بار، ا دارۋمەنى ەكى ەسە دەرلىك جوعارى. وكىنىشكە قاراي، بۇل جۇمىرتقادا قان تامىرلارعا زيان كەلتىرەتىن حولەستەرين ەكى ەسە كوپ.

بودەنە جۇمىرتقاسىنىڭ زيانى

ال مۇنداي پايدالى ءونىمنىڭ كەمشىلىكتەرى بار. بودەنە جۇمىرتقاسى گيپواللەرگەندى دەگەن پىكىر بار، ءبىراق ءىس جۇزىندە ولاي ەمەس. سوندىقتان بالاڭىزدى بودەنە جۇمىرتقاسىمەن تاماقتاندىرماس بۇرىن دارىگەرمەن كەڭەسكەن دۇرىس.

سونىمەن قاتار، حولەستەرينى جوعارى جانە جۇرەك جانە قان تامىرلارى اۋرۋلارى بار ادامدار بودەنە جۇمىرتقاسىن تۇتىنۋدا اباي بولۋ كەرەك. سونداي-اق، بودەنە جۇمىرتقاسىن شامادان تىس تۇتىنۋ بۇيرەككە اسەر ەتۋى مۇمكىن. جانە بۇل ءونىمنىڭ كالورياسى دا ايتارلىقتاي جوعارى، سوندىقتان ارىقتاۋ ءۇشىن ونى تىم كوپ جەۋگە بولمايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى