ارىستانبەك مۇحامەدي ۇلى ءىسى: ق ر ۇلتتىق مۇراجايى ديرەكتورىنىڭ بۇرىنعى ورىنباسارى ۇستالدى
سىبايلاس جەمقورلىققا قارسى قىزمەت قازاقستان رەسپۋبليكاسى ۇلتتىق مۋزەيىنىڭ ديرەكتورى ا. مۇحامەدي ۇلىنا (ق ر مادەنيەت جانە سپورت ەكس- ءمينيسترى) جانە باسقا دا ادامدارعا قاتىستى بيۋدجەت قاراجاتىن اسا ءىرى مولشەردە ۇرلاۋ فاكتىلەرى بويىنشا تەرگەۋدى جالعاستىرۋدا.
جۇرگىزىلىپ جاتقان تەرگەۋ اياسىندا ا. مۇحامەدي ۇلىمەن جانە باسقالارمەن ءسوز بايلاسىپ، «الەم مۇراجايلارى بويىنشا التىن ادامنىڭ شەرۋى» حالىقارالىق كورمەسىنىڭ جوباسىن ىسكە اسىرۋ كەزىندە 221 ميلليون تەڭگە سوماسىندا سەنىپ تاپسىرىلعان بيۋدجەت قاراجاتىن ۇرلاۋعا قاتىسقان «ق ر ۇلتتىق مۇراجايى» رم ق ك ديرەكتورىنىڭ بۇرىنعى ورىنباسارى ا. ش. نۇرازحان ۇستالدى. استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ سانكسياسىمەن ا. ش. نۇرازحان 2 اي مەرزىمگە قاماۋعا الىندى. تەرگەۋ جالعاسۋدا. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
