ادام كوپ جينالاتىن جەرلەردە ماسكا تاعۋعا كەڭەس بەرەمىز - باس سانيتار

«رەسپۋبليكامىزدا كوروناۆيرۋس ينفەكتسياسى بويىنشا ەپيدەميولوگيالىق جاعداي تۇراقتى. سوڭعى ەكى اپتادا سىرقاتتانۋدىڭ تومەندەگەنى بايقالادى. تاۋلىگىنە COVID-19-عا پ ت ر- ءدىڭ وڭ ناتيجەسىمەن 120 جاعدايعا دەيىن جانە COVID-19-عا پ ت ر- ءدىڭ تەرىس ناتيجەسىمەن 10 جاعدايعا دەيىن تىركەلىپ وتىر. الدىڭعى اپتامەن سالىستىرعاندا سوڭعى اپتادا سىرتقاتتانۋ كورسەتكىشى 1,7 ەسە تومەندەدى»، - دەدى ول ورتالىق سايلاۋ كوميسسياسى وتىرىسىندا.

ۆيتسە-ءمينيستردىڭ اتاپ وتۋىنشە، ەپيدەميولوگيالىق جاعدايدى باعالاۋ ماتريتساسىنا سايكەس، رەسپۋبليكا جانە بارلىق وڭىرلەر جاسىل ايماقتا تۇر.

سونىمەن قاتار، 7 وڭىردە (شىمكەنت قالاسى، الماتى، اتىراۋ، شىعىس قازاقستان، قاراعاندى، قوستاناي، ماڭعىستاۋ وبلىستارى) R كورسەتكىشى بىردەن جوعارى.

«وسىعان بايلانىستى باس مەملەكەتتىك سانيتار دارىگەردىڭ قاۋلىسىنا سايكەس R كورسەتكىشى بىردەن جوعارى بولعان كەزدە ادام كوپ جينالاتىن ورىنداردا ماسكا تاعۋ ۇسىنىلاتىنىن ەسكە سالامىن»، - دەدى ايجان ەسماعامبەتوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى