لاتىن امەريكاسى ەلدەرى قازاقستانمەن ارادا ۆيزاسىز رەجيم ورناتپاق
«ۆيزاسىز رەجيمگە قاتىستى بىزدە ارنايى جوسپار بار. جىل سايىن بىرنەشە مەملەكەت ەنگىزىلىپ وتىرادى. وسى ورايدا ەلىمىزدىڭ ازاماتتارى شەتەلگە ۆيزاسىز ساپارلاۋى ءۇشىن ولاردىڭ جاعدايىن جاقسارتۋعا، اتالعان ءتىزىمدى كەڭەيتۋگە تىرىسامىز. بۇل تۇرعىدا كەلىسسوز جۇرگىزۋ وڭاي ەمەس، ءار مەملەكەت ءوزىنىڭ كوشى-قون جانە باسقا دا زاڭناماسىن قاراستىرادى»، - دەدى ا. سمادياروۆ مينيسترلىكتە وتكەن باسپا ءسوز ءماسليحاتىندا.
وسى ورايدا الەمنىڭ ءار وڭىرىمەن كەلىسسوز جۇرگىزىلىپ جاتقانىن ايتتى.
«مەملەكەتتەرمەن ءتيىستى ۋاعدالاستىق جاسالسا، وندا ءتيستى قۇجاتتارعا قول قويۋعا تىرىسامىز. كەلىسسوزدەر جالعاسىپ جاتىر. لاتىن امەريكا ەلدەرى بۇل باعىتتا ىنتىماقتاستىقتى نىعايتپاق. ويتكەنى بۇل وڭىرگە باراتىن قازاقستاندىق تۋريستەر سانى ءوستى. سوندىقتان لاتىن امريكاسى ەلدەرىنىڭ سىرتقى ىستەر مينيسترلىكتەرىنىڭ باسشىلىعى بۇل باعىتتاعى ماسەلەلەردى قاراستىرۋ ءوتىنىشىن جاسادى. بىلتىر ءبىرقاتار كەلىسىمگە قول قويعان ەدىك جانە بيىل ءبىز وسىنداي ەلدەردىڭ ءتىزىمىن كەڭەيتپەكپىز. سونىمەن قاتار، اراب ەلدەرى دە وسىنداي قارىم-قاتىناستاردى نىعايتپاق»، - دەدى رەسمي وكىل.
بۇدان بۇرىن حابارلانعانداي، قازاقستان ۆيزاسىز ەلدەر ءتىزىمىن 80 مەملەكەتكە دەيىن كەڭەيتتى.
