استانا سۋ قويماسىندا سۋ قورى تاپشىلىعى قالاي شەشىلەدى

«استانا سۋ قويماسى بويىنشا بۇگىندە ۋايىمدايتىنداي ەش ماسەلە جوق. قويماداعى سۋ قورى نورماعا جۋىق، 300 ميلليون تەكشە سۋ بار. جىل سايىن ەلوردا جۇرتىن سۋمەن قامتۋ ءۇشىن 95 ميلليون تەكشە سۋ قاجەت. الداعى ۋاقىتتا سۋ تاپشىلىعى ماسەلەسى تۋىندايدى. ويتكەنى، قالا حالقى جىل ساناپ ءوسىپ كەلەدى. وسى ورايدا استانا سۋ قويماسىندا قوسىمشا سۋ قورىن رەتتەۋ ءۇشىن ءبىزدىڭ مينيسترلىك ەكى جوبانى جۇزەگە اسىرىپ جاتىر. ول بويىنشا ەرتىس باسسەينىنەن ەسىل وزەنىنە قوسىمشا سۋ قورى جەتكىزىلەدى»، - دەدى ق ر ەكولوگيا جانە تابيعي رەسۋرستار مينيسترلىگى سۋ رەسۋرستارى كوميتەتى ءتوراعاسىنىڭ مىندەتىن اتقارۋشى دوسبول بەكماعامبەتوۆ «قازگيدرومەت» مەكەمەسىندە وتكەن باسپا ءسوز ءماسليحاتىندا.

بۇعان دەيىن حابارلاعانىمىزداي، قازاقستاندا كوكتەمگى سۋ تاسقىنىنا دايىندىق شارالارى باستالدى.

سونىمەن قاتار، ەلىمىز بويىنشا اقپان ايىنداعى كۇن رايىنا بولجام جاسالدى.

سپيكەردىڭ مالىمدەۋىنشە، اقپاندا ەلىمىزدىڭ باسىم بولىگىندە اۋا تەمپەراتۋراسى كليماتتىق نورماعا جاقىن.

وڭتۇستىك وڭىرلەردە نورمادان 1 گرادۋس جوعارى. اقپان ايىندا جاۋىن-شاشىن رەسپۋبليكانىڭ باسىم بولىگىندە قالىپتى نورماعا جۋىق بولادى دەپ كۇتىلىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى