مۇحتار تىلەۋبەردى تاشكەنتتەگى ەكونوميكالىق ىنتىماقتاستىق ۇيىمى مينيسترلەرىنىڭ كەڭەسىنە قاتىسادى
«2023-جىلعى 23-24- قاڭتاردا تاشكەنت قالاسىندا ەكونوميكالىق ىنتىماقتاستىق ۇيىمىنىڭ سىرتقى ىستەر مينيسترلەرى كەڭەسىنىڭ 26-وتىرىسى وتەدى. ءىس-شاراعا ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى قاتىسادى. ونىڭ بارىسىندا ۇيىمعا مۇشە مەملەكەتتەردىڭ ەكونوميكا، لوگيستيكا، ەكولوگيا، تۋريزم جانە باسقا دا سالالارداعى ءوزارا ءىس-قيمىلىنىڭ تيىمدىلىگىن ارتتىرۋ ماسەلەلەرى تالقىلانۋى جوسپارلانىپ وتىر»، - دەدى ا. سمادياروۆ.
ونىڭ ايتۋىنشا، مينيسترلەر كەڭەسىنىڭ قورىتىندىسى بويىنشا تاشكەنت كومميۋنيكەسىن جانە باسقا دا ءبىرقاتار قۇجاتتار مەن ە ى ۇ ەسەپتەرىن قابىلداۋ ەسكەرىلگەن.
بۇدان بۇرىن حابارلانعانداي، سىرتقى ىستەر مينيسترلىگىنىڭ رەسمي وكىلى ميانمادا قۇلدىقتان بوساپ شىققان قازاقستانىڭ ەكى ازاماتى ەلگە جەتكىزىلگەنىن ايتتى.
