قورعانىس مينيسترلىگى دەپارتامەنتىنىڭ باسشىسى پارا الدى دەگەن كۇدىككە ءىلىندى
استانا. قازاقپارات - سىبايلاس جەمقورلىققا قارسى قىزمەت قازاقستان رەسپۋبليكاسى قورعانىس مينيسترلىگىنىڭ قۇرىلىمدىق بولىمشەسىنىڭ باسشىسىنا قاتىستى سوتقا دەيىنگى تەرگەپ- تەكسەرۋدى باستادى، دەپ حابارلايدى قازاقپارات.
قورعانىس ۆەدومستۆوسىنىڭ اقپاراتتاندىرۋ دەپارتامەنتى باستىعىنىڭ مىندەتىن ۋاقىتشا اتقارۋشى بەينەكونفەرەنتسبايلانىس جابدىعىن جەتكىزۋ مەرزىمدەرىن بۇزا وتىرىپ، قابىلداۋ- تاپسىرۋ اكتىسىنە كەدەرگىسىز قول قويعانى ءۇشىن جەتكىزۋشىدەن 20000 ا ق ش دوللارى سوماسىندا پارا الدى دەگەن كۇدىككە ءىلىندى.
كۇدىكتى ۇستالىپ، استانا قالاسىنىڭ تەرگەۋ سوتىنىڭ سانكسياسىمەن قاماۋعا الىندى.
تەرگەۋ جالعاسۋدا.
تەرگەۋ مۇددەسىنە ساي وزگە اقپارات جاريالانبايدى.
رەداكتور
ەربول جانات