رەسەيدە ىزدەۋدە جۇرگەن قىلمىسكەر ايەل قازاقستان شەكاراسىندا ۇستالدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى رەسەيدە ىزدەۋدە جۇرگەن قىلمىسكەردى قۇرىقتادى.
«كريمينالدىق پوليتسيا باسقارماسى، شەمونايحا اۋداندىق پ ب جانە ق ر ۇلتتىق قاۋىپسىزدىك كوميتەتى شەكارا قىزمەتى بىرلەسىپ جەدەل-ىزدەستىرۋ شارالارى بارىسىندا 41 جاستاعى ايەلدى انىقتادى. رەسەي فەدەراتسياسىنىڭ تۇرعىنى رەسپۋبليكانىڭ مەملەكەتتىك شەكاراسىن كەسىپ ءوتۋ كەزىندە ۇستالدى»، - دەلىنگەن اقپاراتتا.
بەلگىلى بولعانداي، رەسەيلىك ايەل وتكەن جىلدىڭ قىركۇيەك ايىنان بەرى ر ف قۇقىق قورعاۋ ورگاندارىنان جاسىرىنىپ جۇرگەن. 2021-جىلدىڭ قازان-قاراشا ايلارى ارالىعىندا جالعا الىنعان تۇرعىن ءۇيدىڭ مۇلكىن ۇرلاپ كەتكەن.
قازىرگى ۋاقىتتا ايەل ادام ۋاقىتشا ۇستاۋ يزولياتورىنا قامالدى. پروكۋراتۋرامەن بىرگە ونى ەكستراديتسيالاۋ ماسەلەسى شەشىلۋدە.
