تالدىقورعاندا اتىس قارۋى مەن وق-دارىلەر جاسىرىلعان ورىن تابىلدى

تالدىقورعاندا وبلىستىق ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرىمەن بىرلەسىپ، شىعىس شاعىناۋدانىندا قارۋ جاسىرىلعان ورىندى تاپتى.

قارۋ-جاراق قويماسى قۇقىق قورعاۋ ورگاندارىنا كەلىپ تۇسكەن جەدەل اقپاراتقا سايكەس انىقتالدى. سول جەردە قارۋدىڭ تۇتاس ارسەنالى - جينالمالى شۇيدە جانە ەكى وقجاتارىمەن بىرگە سايگا-762 ءيىر ويىقتى مىلتىق، 16 كاليبرلى تەگىس ۇڭعىلى شولاق مىلتىق، ي ج 79-8 گاز تاپانشاسى، سونىمەن قاتار ساقتاندىرعىشى بار ر گ د-5 گراناتاسى جانە ءارتۇرلى كاليبرلى پاتروندار تاركىلەندى.

دەرەك ق ر ق ك- ءنىڭ 287-بابى 3-بولىگى (قارۋ-جاراقتى، وق-دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) بويىنشا س د ت ب ت- دا تىركەلىپ، ول بويىنشا تەرگەۋ بالليستيكالىق ساراپتاما تاعايىندالۋىمەن قالالىق پوليتسياعا تاپسىرىلدى.

«جاسىرىن ورىننان تابىلعان قارۋدىڭ قاڭتار ايىنداعى تارتىپسىزدىكتە ۇرلانعان قارۋعا قاتىسى بار-جوعى تەرگەۋ اياسىندا انىقتالادى»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى