كوپبالالى جانە جالعىزباستى انالار قانداي ساناتقا جاتقىزىلدى

«جەرگىلىكتى اتقارۋشى ورگانداردىڭ مالىمەتتەرى نەگىزىندە NEET ساناتىنداعى جاستاردىڭ دەرەكتەر بازاسى قايتا قالىپتاستىرىلدى. ول بويىنشا اتالعان ساناتقا جاتاتىنداردىڭ 4 توبى بار. الدىمەن، جۇمىسسىز جاستار. ياعني وقۋ ورنىن بىتىرگەن، ءبىراق جۇمىسسىز. وسى ساناتتا باس بوستاندىعىنان ايرىلعاندار مەن مەرزىمدى اسكەري قىزمەت وتەپ، جۇمىسسىز جۇرگەن جاستار دا بار. ەكىنشى توپ - ەڭبەككە قابىلەتتى، ءبىراق مۇمكىندىگى شەكتەۋلى جاندار. ءۇشىنشى، بەلسەندى ەمەس جاستار. ولار الكوگول مەن ەسىرتكىگە تاۋەلدى نەمەسە قۇمار. سوزىلمالى اۋرۋدان زارداپ شەگىپ وڭالتۋدان ءوتىپ جۇرگەن جاستار»، - دەدى دانيار قادىروۆ و ك ق- دە وتكەن بريفينگىدە.

سونىمەن قاتار اتالعان تىزىمدە جۇمىس ىزدەۋگە نەمەسە وقۋعا تالپىنبايتىن جاستار دا بار.

«NEET- ءتىڭ سوڭعى ساناتىنا ءۇي شارۋاشىلىعىنداعى جاستار مەن ايەلدەر، سونداي-اق كوپبالالى جانە جالعىز باستى انالار كىرىپ وتىر»، - دەپ ءتۇسىندىردى ول.

بۇعان دەيىن د. قادىروۆ جاستار ساناتىنا كىرەتىندەر سانى ۇلعايۋىنا بايلانىستى جەڭىلدىكپەن جالعا بەرىلەتىن تۇرعىن ءۇي باعدارلاماسىنا وزگەرىستەر ەنگىزۋ قاراستىرىلىپ جاتقانى تۋرالى ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى