جاستارعا ارنالعان تۇرعىن ءۇي باعدارلامالارى قايتا قارالماق

«جاستار ساناتىنا كىرەتىندەر 29-دان 35 جاسقا دەيىن ۇلعايتىلعانى بەلگىلى. اتالعان ساناتتى وزگەرتكەنگە دەيىن ەلىمىزدە 3,7 ميلليون جاس بولسا، ۇزارتىلعاننان كەيىن ولاردىڭ سانى 5,8 ميلليونعا جەتتى. دەمەك جاستار ساياساتىنىڭ اياسى دا كەڭەيە تۇسپەك. ماسەلەن، «تاۋەلسىزدىك ۇرپاقتارى»، «Zhas Project»، «دارىن» سىيلىقتارى، ودان باسقا بيزنەس جوبالارعا قاتىسۋ مەن مەملەكەتتىك گرانتتار الۋ مۇمكىندىگى ارتادى. سول سياقتى جەرگىلىكتى اتقارۋشى ورگاندارعا جاستارعا جەڭىلدىكپەن جالعا بەرىلەتىن تۇرعىن ءۇي باعدارلاماسىن ازىرلەپ، ىسكە اسىرۋ بويىنشا جاڭا قۇزىرەت بەرۋگە باعىتتالعان تۇزەتۋلەر قاراستىرىلىپ وتىر. اكىمدىكتەر «وتباسى بانكىمەن» بىرلەسىپ 35 جاستى قوسا العاندا، ازاماتتار قاتىسا الاتىن جاستارعا ارنالعان وڭىرلىك تۇرعىن ءۇي باعدارلامالارىن ازىرلەي الادى»، - دەدى دانيار قادىروۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

مينيستر ورىنباسارىنىڭ ايتۋىنشا، جاستار ساياساتى تۋرالى جاڭا زاڭ - اتالعان سالانى جەتىلدىرۋگە، قوعامدىق قاتىناستى رەتتەۋدىڭ قۇقىقتىق نەگىزىن قالىپتاستىرۋعا جانە جاستاردى ەڭبەكپەن قامتۋدى ارتتىرۋعا باعىتتالعان.

ەسكە سالساق، بىلتىر قازاندا پارلامەنت ءماجىلىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ماقۇلداعان ەدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى