جاس قالامگەرلەرگە ارنالعان پرەزيدەنتتىڭ ادەبي سىيلىعى تاعايىندالادى - مينيستر ورالوۆ

«ءتول ادەبيەتىمىزدى جاڭا دۇنيەلەرمەن تولىقتىرىپ، ۇلتىمىزدىڭ ادەبي مۇراسىن مولايتۋ، وتاندىق ادەبيەتكە، باسپا ۇيىمدارىنا تىڭ سەرپىن بەرۋدى كوزدەيتىن «ايبوز» ۇلتتىق ادەبي سىيلىعى تاعايىندالدى. بۇل باستامالاردىڭ ءبارى وتاندىق ونەرگە، مادەنيەت پەن ادەبيەتكە تىڭ سەرپىن سىيلاعان جوبالارعا اينالدى. رۋحاني قازىنامىز كوپتەگەن جاڭا تۋىندىلارمەن تولىقتى.

ەندىگى كەزەكتە وسى يگى ءداستۇردى ودان ءارى ورىستەتۋ ماقساتىمەن بيىل جاڭا جوبالاردى جۇزەگە اسىرۋدى كوزدەپ وتىرمىز. اتاپ ايتقاندا، جاس قالامگەرلەردى قولداۋ ماقساتىندا ارنايى پرەزيدەنتتىك ادەبي سىيلىعى تاعايىندالاتىن بولادى»، - دەدى اسحات ورالوۆ.

ونىڭ ايتۋىنشا، الداعى ۋاقىتتا مادەنيەت سالاسىنىڭ قىزمەتكەرلەرى ءۇشىن حالىقارالىق فورۋم وتەدى.

«سونىمەن قاتار مادەنيەت قىزمەتكەرلەرىنىڭ حالىقارالىق فورۋمىن ۇيىمداستىرامىز. بۇل سالا ماماندارىنىڭ بىلىكتىلىگىن ارتتىرىپ، حالىقارالىق تاجىريبەنى يگەرۋىنە مۇمكىندىك بەرەدى. وسى ايتىلعان جۇمىستاردىڭ جوعارى دەڭگەيدە جۇزەگە اسۋىنا زيالى قاۋىمنىڭ بەلسەندى قاتىسۋى وتە ماڭىزدى. قوعام مەن جاستاردىڭ تاربيەسىندە اعا بۋىننىڭ اتقاراتىن ءرولى زور، الاتىن ورنى ەرەكشە»، - دەپ تۇيىندەدى مينيستر.

ەسكە سالايىق، ەكس- مينيستر داۋرەن ابايەۆ جاس جازۋشىلار مەن اقىندارعا ارنالعان پرەزيدەنتتىك ادەبي سىيلىق 18 - 29 جاس ارالىعىنداعى اۆتورلارعا بەرىلەتىنىن ايتقان بولاتىن.

فوتو: primeminister.kz

اۆتور

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى