شاحمات فەدەراتسياسى حيدجابسىز ونەر كورسەتكەن يراندىق قىزدىڭ قاۋىپسىزدىگىن قامتاماسىز ەتكەن
بۇعان دەيىن ب ا ق بەتتەرىندە يراندىق سپورتشى سارا حادەمنىڭ الماتىدا وتكەن بليتس-شاحماتتان الەم چەمپيوناتىندا حيدجابسىز ونەر كورسەتكەنى تۋرالى اقپارات تارادى. وسىدان كەيىن ونىڭ جەكە باسىنا قاۋىپ توندىرەتىن مالىمدەمەلەر جاسالعان. ايتا كەتەيىك، يراننىڭ ايەلدەرى ءۇشىن ورامال تاعۋ مىندەتتى درەسس-كود بولىپ سانالادى.
«مەن تۋرنير ديرەكتورى رەتىندە ارىپتەستەرىمدى جيناپ، جاعدايدى بايىپتى شەشۋگە تىرىستىم. ول قاتىسۋشىعا قاتىستى تۇرعىلىقتى جەرىن، مارشرۋتىن جانە باسقا مالىمەتتەردى انىقتاۋعا تىرىسقان بەلگىسىز ادامداردان قوڭىراۋلار ءتۇستى. سوندىقتان ءبىز جاعدايدىڭ كۇتپەگەن جەردەن كۇرت وزگەرۋى مۇمكىن ەكەنىن تۇسىندىك. تيىسىنشە، ارىپتەستەرىمىزگە، سەرىكتەستەرىمىزگە، الماتى قالاسىنىڭ اكىمدىگىنە سپورتشىنىڭ قاۋىپسىزدىگىن قامتاماسىز ەتۋ بويىنشا ءوتىنىش جاسادىق. ءبىز ونىڭ باعىتىن، ونىڭ قالاي كەتەتىنىن ويلاستىردىق جانە ونى ەلدەن قاۋىپسىز شىعارۋدى قامتاماسىز ەتتىك»، - دەپ ءتۇسىندىردى دارمەن ءسادۋاقاسوۆ و ك ق- دا وتكەن بريفينگىدە.
