اۆتوبۋس جۇرگىزۋشىلەرىنىڭ جەتىسپەۋ پروبلەماسى جوق - رومان سكليار

«قازىرگى ۋاقىتتا 466 مىڭنان استام ادام جولاۋشىلار كولىگىن جۇرگىزۋ قۇقىعىنا («D» ساناتىنداعى جۇرگىزۋشى كۋالىگى) يە ەكەنىن، بۇل رەتتە ەلدە تىركەلگەن اۆتوبۋستاردىڭ سانى 62,5 مىڭ بىرلىكتى قۇرايتىنىن اتاپ ءوتۋ قاجەت. وسىلايشا، وسى ساناتتاعى جۇرگىزۋشىلەردىڭ جەتىسپەۋىنىڭ پروبلەمالىق ماسەلەلەرى جوق. ءوز كەزەگىندە، حالىققا قىزمەت كورسەتۋ دەڭگەيىن جانە جۇرگىزۋشى قۇرامىنىڭ ساپاسىن ارتتىرۋ ءۇشىن ىشكى ىستەر مينيسترلىگى تاراپىنان كاسىپكەرلەرگە قاجەت بولعان جاعدايدا جۇرگىزۋشىلەردىڭ جۇمىس رەجيمىنە، ولاردىڭ ەڭبەك جاعدايلارىنا، جالاقى دەڭگەيىن ارتتىرۋعا جانە ت. ب. قاتىستى ماسەلەلەردى قايتا قاراۋ ۇسىنىلادى»، - دەپ اتاپ وتەدى ءبىرىنشى ۆيتسە-پرەمەر جاۋابىندا.

سونىمەن قاتار رومان سكليار جولدارداعى ءولىم-ءجىتىم دەڭگەيىنىڭ تومەندەۋىنە زارداپ شەككەندەرگە شۇعىل مەديتسينالىق كومەك كورسەتۋدىڭ ساپاسى مەن جەدەلدىگى ىقپال ەتەتىندىگىن اتاپ وتەدى.

«وسى ماقساتتا توتەنشە جاعدايلار مينيسترلىگىنىڭ 40 تراسسالىق مەديتسينالىق قۇتقارۋ پۋنكتى جۇمىس ىستەيدى. 28 اۋداندىق اۋرۋحانادا كولىك قۇرالدارىنىڭ ۇلكەن اعىنى بار اۆتوماگيسترالداردا ورنالاسقان اۋدانارالىق تراۆماتولوگيالىق بولىمشەلەر ۇيىمداستىرىلعان»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى