ۇلتتىق بانك زەينەتاقى اكتيۆتەرىن باسقارۋدىڭ تيىمسىزدىگى تۋرالى سىنعا جاۋاپ بەردى
مۇنداي پىكىردى ول ءماجىلىس دەپۋتاتتارىنىڭ ساكۋالىنا بەرگەن جاۋابىندا ايتقان.
«ىشكى ەكونوميكاداعى اقشانىڭ قۇنسىزدانۋىنىڭ نەگىزگى ولشەمشارتى ۆاليۋتا باعامى ەمەس، ەلدەگى ينفلياتسيا دەڭگەيى بولىپ تابىلادى. وسىعان بايلانىستى زەينەتاقى اكتيۆتەرىن سيپاتتايتىن ۇزاق ينۆەستيتسيالىق ارالىقتى ەسكەرە وتىرىپ، ولاردى ينۆەستيتسيالاۋدىڭ نەگىزگى ماقساتتارىنىڭ ءبىرى ۇزاق مەرزىمدى كەزەڭدە ينفلياتسيا دەڭگەيىنەن جوعارى كىرىستىلىك الۋ بولىپ تابىلادى. بۇل ينۆەستيتسيالانعان قاراجاتتىڭ ساتىپ الۋ قابىلەتىنىڭ ساقتالۋىن عانا ەمەس، سونىمەن قاتار زەينەتاقى جيناقتارىنىڭ ناقتى ماندە ءوسۋىن قامتاماسىز ەتەدى»، - دەپ جازادى ۇلتتىق بانك باسشىسى.
ونىڭ مالىمەتىنە قاراعاندا، 2014-جىلدان بەرى ب ج ز ق- نىڭ جىلدىق ورتاشا كىرىستىلىگى جىلدىق ورتاشا ينفلياتسيادان جوعارى بولعان. سوندىقتان زەينەتاقى اكتيۆتەرىن ب ج ز ق ارقىلى باسقارۋدىڭ تيىمسىزدىگى تۋرالى ۋاجدەر دۇرىس ەمەس.
«جالپى ب ج ز ق- دا زەينەتاقى اكتيۆتەرى شوعىرلانعان ساتتەن باستاپ (2014-جىلعى ءساۋىر - 2022-جىلعى قاراشا) جيناقتالعان ينفلياتسيا %111,2 بولعان كەزدە زەينەتاقى اكتيۆتەرى بويىنشا جيىنتىق كىرىستىلىك %114,2 دى قۇرادى. وسىلايشا، ب ج ز ق- نىڭ زەينەتاقى اكتيۆتەرىن باسقارۋدىڭ تيىمسىزدىگى تۋرالى جەكەلەگەن قىسقا مەرزىم ارالىعىندا الىنعان كىرىستىلىك نەگىزىندە جاسالعان تۇجىرىمدار دۇرىس ەمەس بولىپ تابىلادى. جيناقتاۋشى زەينەتاقى جۇيەسىنىڭ ورنىقتىلىعى تۇرعىسىنان كىرىستىلىك پەن ينفلياتسيا كورسەتكىشتەرىن ۇزاق ۋاقىت ارالىعىندا قاراستىرعان ءجون»، - دەلىنگەن جاۋاپتا.
