وتكەن جىلى ەلىمىزدە جول-كولىك وقيعالارىنىڭ سانى ارتتى

بۇل تۋرالى ءماجىلىس دەپۋتاتتارىنىڭ ساۋالىنا ق ر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«رەسمي ستاتيستيكاعا سايكەس، 2022 -جىلدىڭ قورىتىندىسى بويىنشا جول- كولىك وقيعالارىنىڭ 6 (13930 دان 14834 گە دەيىن)، ولاردا قايتىس بولعان ازاماتتاردىڭ 7 (2270-تەن 2425 كە دەيىن) جانە جارالانعانداردىڭ 6 پايىزعا (18096 دان 19135 كە) وسۋىنە جول بەرىلگەن. تالداۋ كورسەتكەندەي، جولدارداعى اپاتتىلىقتىڭ ستاتيستيكالىق كورسەتكىشتەرىنىڭ ناشارلاۋى 2020-2021 -جىلدارداعى پاندەميا كەزەڭىندە بۇرىن ەنگىزىلگەن شەكتەۋلەر، ونىڭ ىشىندە كولىك قۇرالدارىنىڭ قوزعالىسى اياسىندا ورىن الدى. 2019 -جىلمەن سالىستىرعاندا جول-كولىك وقيعالارىنىڭ سانى شامامەن 11 (16614 تەن 14834 كە دەيىن)، جارالانعاندار 14 (22180 دەن 19135 كە دەيىن) قىسقاردى. قايتىس بولعاندار سانى ءىس جۇزىندە سول دەڭگەيدە (%0,8+، 2405 تەن 2425 كە دەيىن) قالدى»، - دەپ اتاپ وتەدى ءاليحان سمايىلوۆ جاۋابىندا.

ونىڭ دەرەگىنشە، سوڭعى جىلدارى ەلىمىزدىڭ اۆتوپاركىنىڭ سانى ءوسىپ كەلەدى. بۇگىنگى كۇنى رەسپۋبليكادا 4,7 ميلليون كولىك قۇرالى بار.

«بارلىق جول-كولىك وقيعاسىنىڭ 75 پايىزعا جۋىعى ەلدى مەكەندەردە ورىن الادى. «ولىمگە اكەپ سوعاتىن» جول-كولىك وقيعاسىنىڭ جارتىسىنا جۋىعى قالا سىرتىنداعى تراسسالاردا (2592 ج ك و، ولاردا 1108 ادام قايتىس بولىپ، 4201 ادام جارالاندى) بولادى. ءاربىر ءۇشىنشى جول-كولىك وقيعاسى، قايتىس بولعان جانە جارالانعان ءاربىر ءتورتىنشى ادام جاياۋ جۇرگىنشىلەرگە تيەسىلى. جول-كولىك وقيعاسىنىڭ نەگىزگى سەبەپتەرى جۇرگىزۋشىلەردىڭ جىلدامدىق رەجيمدەرىن اسىرۋى جانە جاياۋ جۇرگىنشىلەردىڭ جول ءجۇرىسى قاعيدالارىن بۇزۋى بولاتىندىقتان، پوليتسيا ءتيىستى دەن قويۋ ءىس-شارالارىن كۇشەيتتى»، - دەدى رومان سكليار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى