ادامزات تاريحىنداعى ەڭ العاشقى تىكۇشاق
بارلىق سەناتور دورسيدى قولداپ، العاشقى تاجىربيەلىك تىكۇشاق قۇراستىرۋدى امەريكاداعى تانىمال اۋە قۇرىلعىلارىن قۇراستىرۋشى ي. ي. سيكورسكيعا تاپسىرادى. سيكورسكي ۇلكەن ىسكە كىرىسپەس بۇرىن، سىناق رەتىندە ونىڭ كوتەرگىش قالاقتارى مەن باسقارۋ جۇيەسىنىڭ ستەندىن جاساپ الادى. ونىڭ جۇمىسقا قابىلەتتىلىگىنە كوز جەتكىزگەننەن كەيىن عانا كەلىسىم بەرىلەدى.
1939 -جىلدىڭ قىركۇيەك ايىندا VS-300 (نەمەسە S-46) تىكۇشاعى قۇراستىرىلادى. ونىڭ سىزباسى اۋىتقۋدى رەتتەيتىن ۇيكەلمەلى كوتەرگىش ءۇش توپسالى مەحانيزمنەن تۇرادى. تىكۇشاقتىڭ كولدەنەڭ جانە ءبىر جاعىنا قيسايىپ ۇشاتىن قاسيەتى ارنايى مەحانيزممەن باسقارىلادى. VS-300 تىكۇشاعىنىڭ فيۋزەلياجى (ۇشاقتىڭ كورپۋسى) بولات قۇبىرلاردان جاسالعان. ال كورپۋسىنا تىكۇشاقتىڭ ارتقى ارالىعى بولات قۇيىلىپ جاپسىرىلعان. ءبىراق بۇل تىكۇشاققا ۇرىس كەزىندە قارسىلاستى اتۋعا ارنالعان قارۋ تىركەلمەگەن.
1939 -جىلى 14-قىركۇيەكتە VS-300 تىكۇشاعىمەن ي. ي. سيكورسكي ۇشىپ بايقاپ كورەدى، ءبىراق، تىكۇشاق جەردەن لەزدە كوتەرىلىپ كەتەدى. قاۋىپسىزدىك ءۇشىن الدىن الا تىكۇشاقتى جەرگە ءتورت قىسقا سىم ارقانمەن تارتىپ، قاداپ قويادى. العاشقى 1-2 مينۋتتا قالاق تەربەلىسىنىڭ اسەرىنەن كوپ قيىندىق تۋادى. ناتيجەسىندە، 1939 -جىلى جەلتوقسان ايىنىڭ سوڭىندا تىكۇشاق ۇشۋ كەزىندە اۋدارىلادى، ابىروي بولعاندا، ۇشقىش امان قالادى.
1941 -جىلى S-46 تىكۇشاعىن سىناۋ جۇمىستارى جالعاسىن تابادى. اتالعان جىلدىڭ ءساۋىر ايىندا بۇل تىكۇشاق ۇشۋ ۇزاقتىعى بويىنشا امەريكادا رەكورد جاسايدى (1 ساعات 5 مينۋت 14,5 سەكۋند) جانە سۋ بەتىمەن ۇشا الاتىنىن دالەلدەيدى. VS-300 تىكۇشاعى، 1 ساعات 32 مينۋت 40 سەكۋند بويىنا توقتاماستان ۇشىپ، الەمدىك رەكورد جاساعان.
ال 1942 -جىلى VS-300 تىكۇشاعىنا عىلىمي-زەرتتەۋ جۇمىستارى جۇرگىزىلەدى. ونىڭ ىشىندە، ستابيليزاتورى (ۇشاقتىڭ ءيا ديريجابلدىڭ تەڭدىگىن ساقتايتىن اسپاپ) مەن فيۋزەلياجى، قالاقتارى زەرتتەۋدەن وتكىزىلگەن. وسىدان كەيىن، 1943 -جىلدىڭ كۇزىندە VS-300 تىكۇشاعىمەن سيكورسكي بريدجپورت قالاسىنان ديربورن قالاسىنا دەيىن ءوزى ۇشىپ كەلىپ، فورد مۇراجايىنا تاپسىرعان. الەمدە ۇلكەن تىكۇشاقتاردى قۇراستىرۋ وسى وقيعادان كەيىن بەلەڭ الدى.
bilim-all.kz
