قىرعىزستان بيلىگى شەتەل ۆاليۋتاسىن شەكارادان شىعارۋعا تىيىم سالدى
قىرعىزستاندا دوللار ساتىپ الۋ قيىن، سەبەبى سيرەپ كەتكەن. امەريكالىق بانكنوتا ۆاليۋتا بيۋرولارىندا عانا ەمەس، كوممەرتسيالىق بانكتەردىڭ كاسسالارىنان دا تابىلمايدى. بۇل ماسەلە ءتىپتى ەلدىڭ پارلامەنتىندە تالقىلاندى. شەندىلەر شەشىمى بويىنشا ەندى شەتەلدىك ۆاليۋتانىڭ ەشبىر ءتۇرىن قولما- قول تۇردە ازاماتتار شەكارادان شىعارا المايدى. بۇل ۋاقىتشا شەكتەۋ بولعانىمەن، قارجى- ەكونوميكالىق قاۋىپسىزدىكتى قامتاماسىز ەتەدى. ىشكى ۆاليۋتا نارىعىنداعى جاعدايدى تۇراقتاندىرادى، دەيدى رەسمي بىشكەك.
باقىت بەكەتايەۆ، ساياساتتانۋشى:
- بىزدە بۇرىن ۆاليۋتانىڭ ساتىلىم باعاسى اشىق بولسا، قازىر ول رەتتەلەدى. ياعني، ايىرباستاۋ پۋنكتىنەن ءسىز دوللار تابا المايسىز، ال ەگەر تاپساڭىز، باعاسى قىمبات. شەكتەۋ بانكتەر ءۇشىن جاسالعان قادام. ءبىزدىڭ نارىقتى ۇستاپ تۇرۋ ءۇشىن رەينتەرۆەنتسيا قاجەت بولادى دەپ ويلايمىن.
شەتەلدىك ۆاليۋتانى شەكارادان شىعارۋدىڭ ەرەجەسى بەكىتىلدى. قىرعىزستان ازاماتتارى 10 مىڭ دوللار، ال شەتەلدىكتەر 5 مىڭ دوللاردان جوعارى اقشانى وزىمەن بىرگە الىپ شىعا المايدى. الايدا شەكتەن اسقان سومانىڭ % 10- ىن تولەگەن جاعدايدا كەز كەلگەن كولەمدە شىعارۋعا رۇقسات بەرىلەدى. ياعني، قاراپايىم تىلمەن ايتقاندا، 10 مىڭ دوللار الىپ شىققىڭىز كەلسە، 1 مىڭىن تاستاپ كەتەسىز. ا ق ش دوللارىنا قاتىستى بۇل شەكتەۋدى قاداعالاۋ قىرعىزستان ۇلتتىق قاۋىپسىزدىك كوميتەتىنىڭ شەكارا جانە كەدەن قىزمەتىنە جۇكتەلدى.
دەنيس بەرداكوۆ، ەكونوميست:
- قارجى جۇيەسىندە اينالىمدا جۇرگەن قولما- قول دوللاردىڭ كوبى شەتەلگە شىعارىلدى. بۇل - رەسەيدەن كوشىپ كەلگەندەردىڭ نەمەسە قىتايدان، تۇركيادان جانە بىرىككەن اراب امىرلىكتەرىنەن تاۋار ساتىپ الۋشىلاردىڭ ارەكەتى. جالپى قازىر قىرعىزستاننىڭ قارجى جۇيەسىندە دوللاردىڭ تاپشىلىعى ماسەلەسى بار. اتالمىش زاڭ جوباسى وتكەن جىلدىڭ ساۋىرىندە تالقىعا ءتۇستى. قارجى مينيسترلىگى ىشكى نارىقتى دوللار قۇنىنىڭ كۇرت وسۋىنەن قورعاۋ كەرەك ەكەنىن ايتادى. ويتكەنى دوللار جەتپەگەن جاعدايدا الەۋمەتتىك ماڭىزى بار ونىمدەردىڭ باعاسى قىمباتتاپ، يمپورتقا تاۋەلدى ەكونوميكا السىرەۋى مۇمكىن. تاۋارلاردى جەتكىزۋ ءۇشىن بارلىق ەسەپ ايىرىسۋلار امەريكالىق ۆاليۋتادا جاسالادى. ليميت 9 ايدان كەيىن كۇشىنە ەندى.
www.24.kz
