جەمقورلاردان تاركىلەنگەن اقشا ءبىلىم سالاسىنا جۇمسالادى

قازىر ارنايى قوردا 120 ميلليارد قاراجات جينالعان. ەندى زاڭعا سايكەس بۇل قىرۋار قارجى ءبىلىم بەرۋ نىساندارىن سالۋعا جۇمسالادى. سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى «بەتپە- بەت» باعدارلاماسىندا وسىلاي دەپ مالىمدەدى.

ولجاس بەكتەنوۆتىڭ ايتۋىنشا، بۇل باعىتتاعى جۇمىستار كۇشەيە تۇسەدى. سونداي- اق ەندى اۋىر جانە اسا اۋىر سىبايلاس جەمقورلىق جاساپ، سوتتالعاندار مەرزىمىنەن بۇرىن بوساتىلمايدى، - دەدى ول.

ولجاس بەكتەنوۆ، ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى:

- بىرەۋلەر دۇرىس، جاقسى جۇمىس جاساپ جاتىرسىڭدار دەپ ايتادى. باسقالار جوق، تىم از قاراجات قايتارىلدى دەپ ايتادى. ەندى سالىستىرساق. ءبىر مىسال كەلتىرىپ كەتەيىن. وڭتۇستىكتەگى كورشىلەرىمىزدى ايتاتىن بولساق، ولار گۇلنار كاريموۆانىڭ قاراجاتتارىن ەلگە قايتارۋعا تىرىسىپ جاتىر عوي. سوڭعى 3 جىلدىڭ ىشىندە 20-جىلدان باستاپ وسى كۇنگە دەيىن ولار 20-اق ميلليون دوللار قايتاردى. ال ءبىز ءبىر جىلدىڭ ىشىندە 1,5 ميلليارد دوللارعا جۋىق قاراجات قايتاردىق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى