پرەزيدەنتتىڭ ب ا ءا - گە ساپارى: تۇركىستان مەن جامبىل وبلىستارىندا جەل ەلەكتر ستانتسيالارى سالىنادى
كەزدەسۋ بارىسىندا ەنەرگەتيكا سالاسىنداعى بىرلەسكەن جوبانى جۇزەگە اسىرۋ ماسەلەلەرى تالقىلاندى.
مەملەكەت باسشىسى قازاقستان 2060-جىلعا دەيىن كومىرسۋتەگى بەيتاراپتىعىنا قول جەتكىزۋدى، سونداي-اق 2030-جىلعا دەيىن جاڭارتىلاتىن ەنەرگيا كوزدەرىنىڭ ۇلەسىن 4 پايىزدان 15 پايىزعا دەيىن ارتتىرۋدى كوزدەپ وتىرعانىن ايتتى.
سونىمەن قاتار پرەزيدەنت قازاقستان رەسپۋبليكاسى ەنەرگەتيكا مينيسترلىگى مەن KIDF قورى جانە Masdar كومپانياسى اراسىندا قول قويىلعان ىنتىماقتاستىق تۋرالى مەموراندۋم تولىققاندى جۇزەگە اسىرىلاتىنىنا سەنىم ءبىلدىردى. وسى قۇجاتقا سايكەس، تۇركىستان جانە جامبىل وبلىستارىندا قۋاتتىلىعى 1 گۆت جەل ەلەكتر ستانتسياسىن سالۋ جونىندەگى بىرلەسكەن جوبانى ىسكە اسىرۋ جوسپارلانىپ وتىر.
ءوز كەزەگىندە مۇحاممەد ءال-راماحي كەزدەسكەنى ءۇشىن قاسىم-جومارت توقايەۆقا العىس ايتىپ، ەلىمىزدىڭ جاسىل ەنەرگەتيكانى دامىتۋ سالاسىنداعى الەۋەتى زور ەكەنىن اتاپ ءوتتى. سونداي-اق ونىڭ كومپانياسى بۇل باعىتتاعى ءىرى جوبالاردى بىرلەسە جۇزەگە اسىرۋعا مۇددەلى ەكەنىن جەتكىزدى.
ايتا كەتەيىك، جەكسەنبى كۇنى مەملەكەت باسشىسى رەسمي ساپارمەن بىرىككەن اراب امىرلىكتەرىنە باردى.
