چەحيادان كەلگەن ماگيسترانت قازاق ادەبيەتىن وقىپ ءجۇر

بۇل تۋرالى قازاقپارات ق ر عىلىم جانە جوعارى ءبىلىم مينيسرلىگىنىڭ باسپا ءسوز قىزمەتىنە سىلتەمە جاساپ حابارلايدى.

ءباسپاسوز قىزمەتىنىڭ مالىمەتتەرىنە قاراعاندا، اكادەميالىق ۇتقىرلىق باعدارلاماسى بويىنشا چەحيادان كەلگەن ماگيسترانت پاۆلودار جوعارى وقۋ ورنىن ءوزى تاڭداعان. مۇندا ول «ازياتيستيكا بويىنشا ماماندانعان قىتاي ءتىلى مەن مادەنيەتى» ماماندىعى بويىنشا ءۇش ايلىق وقۋدان وتەدى. سونىمەن قاتار، يان برزوبوگاتى ⅩⅩ عاسىرداعى قازاق ادەبيەتىن زەرتتەۋ جايلى شەشىم قابىلدادى. اتاپ ايتقاندا، ءسابيت مۇقانوۆ پەن ساكەن سەيفۋلليننىڭ شىعارمالارىنا قىزىققان.

«ءبىز ەۋروپادان كەلگەن ستۋدەنتتەر مەن ماگيسترانتتاردىڭ ءوز باعىتىندا جاڭا ءبىلىم الۋ جانە قازاقستان مادەنيەتىن زەرتتەۋ ءۇشىن ToU- دى تاڭداعانىنا وتە قۋانىشتىمىز. ءبىز ءارقاشان شەتەلدىك قوناقتار ءۇشىن اشىقپىز جانە ولارعا وقۋدا دا، كۇندەلىكتى ومىردە دە كومەكتەسۋگە دايىنبىز. بۇگىنگى تاڭدا ءبىزدىڭ ۋنيۆەرسيتەت شەتەلدە تانىمال بولا باستادى. بۇل بولاشاقتا باسقا ەلدەردەن كەلەتىن ستۋدەنتتەر مەن ماگيسترانتتار اعىنى وسەتىنىن بىلدىرەدى»، - دەپ اتاپ ءوتتى جوو رەكتورى ەركىن سادىقوۆ.

ToU جانە پالاتسك ۋنيۆەرسيتەتى 2014 -جىلدان بەرى سەرىكتەس. بۇل ىنتىماقتاستىق پروفەسسورلاردىڭ قوناق دارىستەرىن جانە ستۋدەنتتەردىڭ ەكىجاقتى عىلىمي تاعىلىمدامالارىن قامتيدى. جالپى، تورايعىروۆ ۋنيۆەرسيتەتى 100 دەن استام جوعارى وقۋ ورنىمەن سەرىكتەس.

«ايتا كەتسەك، تەك 2022 -جىلى بىزدە نيگەريا، قىتاي، موڭعوليا، رەسەي، گەرمانيا، وزبەكستان، ازەربايجان، ۋكراينا، يزرايل، گرۋزيا، اۋعانستان، يراك جانە ت. ب. ەلدەردەن 239 شەتەلدىك ستۋدەنت تۇراقتى نەگىزدە وقىدى»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى