قازاقستاندا شاعىن كومپانيالار سانى ءوستى

«قازاقستاندا تىركەلگەن شاعىن كومپانيالار سانى 2023-جىلدىڭ باسىندا 498 مىڭعا جەتىپ، جىلدىق ءوسىم 5,3 پايىزدى قۇرادى. ونىڭ ىشىندە 390,3 مىڭ شاعىن كاسىپورىن جۇمىس ىستەپ تۇرعان، ءبىر جىلدا ولاردىڭ سانى 13,4 پايىزعا ءوستى. ءوز قىزمەتىندە جاقسى كورسەتكىشتەر بولعان شاعىن كومپانيالار سانى 2022-جىلى بىردەن 17,4 پايىزعا ءوسىپ، 194,4 مىڭعا جەتتى»، - دەلىنگەن Finprom.kz مالىمەتىندە.

2020-جىلعى 1- قاڭتاردان باستاپ 2022-جىلدىڭ سوڭىنا دەيىنگى كەزەڭدە ارناۋلى سالىق رەجيمدەرىن قولداناتىن شاعىن كاسىپكەرلىك سۋبەكتىلەرىنە توقتالساق، سالىق سالاسىنداعى كانيكۋل كەزىندە تىركەلگەن شاعىن كومپانيالار سانى 13,7 پايىزعا ارتتى. وسى ورايدا جۇمىس ىستەپ تۇرعاندارى 30,3 پايىزعا، قىزمەتى بەلسەندى كومپانيالار 22,6 پايىزعا ءوستى.

سالىق تولەۋدەن بوساتۋمەن قاتار، كاسىپكەرلىك سۋبەكتىلەرىن تەكسەرۋگە دە موراتوري ەنگىزىلدى.

قىزمەتى جاقسى ءجۇرىپ جاتقان شاعىن كومپانيالار الماتى قالاسىندا تىركەلدى، ياعني 50,8 مىڭى وسى شاھاردا جۇمىسىن جالعاستىرىپ جاتىر. ودان كەيىنگى ورىندا استانا - 33,3 مىڭ كومپانيا. سونىمەن قاتار، جۇمىسى قارقىندى شاعىن كاسىپكەرلىك سۋبەكتىلەرىنىڭ ەداۋىر بولىگى قاراعاندى وبلىسىنا (11,2 مىڭ)، شىمكەنت قالاسىنا (8,2 مىڭ) جانە پاۆلودار وبلىسىنا (7,9 مىڭ) تيەسىلى.

اتالعان شاعىن كومپانيالاردىڭ كوپشىلىگى ساۋدا، اۆتوموبيل مەن موتوتسيكلدەردى جوندەۋ سەكتورىندا جۇمىس ىستەپ كەلەدى. ودان كەيىنگى ورىندا قۇرىلىس سەكتورى تۇر. بۇل ۇشتىككە ءبىلىم بەرۋ سالاسى دا ەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى