ۇلى بريتانيا پارلامەنتىندە بۇنداي رەسمي كوميسسيا جوق –س ءى م جانبولات ماماي ءىسى بويىنشا قازاقستانعا كەلگەن توپ جايلى
«ءبىز جانبولات مامايدىڭ ءىسىن تەرگەۋ بويىنشا قازاقستانعا «بريتاندىق پارلامەنتتىك كوميسسيا» دەپ اتالاتىنداردىڭ كەلگەنىن ەستىدىك. ايتا كەتەيىك، ۇلى بريتانيا پارلامەنتىندە قۇرىلعان بۇنداي رەسمي كوميسسيا جوق. بريتاندىق تاراپتىڭ اقپاراتىنا سايكەس، بۇل كوميسسيا ەلدىڭ پارلامەنتى نەمەسە ۇكىمەتىنىڭ مۇددەسىن بىلدىرمەيدى. قازاقستاننىڭ انونيمدى ازاماتتارى توبىنىڭ تاپسىرىسى بويىنشا «بيندماننس» جەكە زاڭ كومپانياسى جۇرگىزەتىن ءوز تەرگەۋى بار. تەرگەۋگە، بەدەلگە يە بولۋ ءۇشىن، بۇل كومپانيا بريتان پارلامەنتىنىڭ ءۇش مۇشەسىن تارتتى. ولاردىڭ قانداي شارتتارمەن كەلگەنى تۋرالى اقپاراتتى ولاردان وزىنەن بىلۋگە بولاتىن شىعار. بۇلاردىڭ قانداي كومپانيا ەكەنىن جانە نە ىستەيتىنىن، ينتەرنەتتەن ءوزىڭىز كورە الاسىز، بارلىق اقپارات بار»، - دەدى ايبەك سمادياروۆ.
س ءى م رەسمي وكىلى اتالعان كوميسسيانى رەسمي ءرولى جوق ۇيىم رەتىندە سيپاتتادى.
«نەلىكتەن پارلامەنتشىلەر وزدەرىن كۇماندى شىققان اقشا ءۇشىن جالعان، تاۋەلسىز كوميسسيالارمەن بايلانىستىراتىنىن تۇسىنبەيمىز. بۇل كوميسسيانىڭ رەسمي ءرولى جوق. ايتپەسە، ءوزىڭىز قاراڭىز: ۇلتتىق پارلامەنت بەلگىلى ءبىر كوميسسيا قۇرادى، ەگەمەندى مەملەكەتكە كەلەدى، تەرگەۋ جۇرگىزەدى. بۇل مەملەكەتتەر اراسىنداعى قاتىناستاردىڭ حالىقارالىق-قۇقىقتىق نورمالارىنا سايكەس كەلە مە؟ جاۋابى انىق»، - دەدى ول.
