ۋشىعاتىنداي ماسەلە جوق - مينيسترلىك ارميان كولىكتەرىن تىركەۋگە قاتىستى
تولىعىراق ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ ايتىپ بەردى، دەپ حابارلايدى قازاقپارات ءتىلشىسى.
«ەلگە اكەلىنگەن ارميان كولىكتەرىنە قاتىستى ءبىرقاتار سۇراق تۋىنداپ جاتىر. سوڭعى 2-3 جىل ىشىندە اتالعان ەلدىڭ ءبىراز كولىگى ۋاقىتشا تىركەلدى. ارميان اۆتوكولىكتەرىن زاڭداستىرۋ قارالىپ، ماسەلە تولىعىمەن شەشىلەدى. ارمەنيانىڭ ىشكى ىستەر مينيسترلىگىمەن كولىكتەردى تىركەۋدەن شىعارۋ بويىنشا بىرلەسكەن ءىس-شارا وتكىزىلۋدە. سىرتتان بولشەكتەنىپ جەتكىزىلىپ، ەلدە قۇراستىرىلعان كولىكتەرگە قاتىستى ماسەلە دە قاراستىرىلىپ جاتىر. باستىسى كولىك يەسى ءتيىستى قۇجاتتاردى وتكىزسە بولعانى. ۋشىعاتىنداي ماسەلە جوق»، - دەدى قايسار سۇلتانبايەۆ مينيسترلىكتە وتكەن باسپا ءسوز ءماسليحاتىندا.
بۇعان دەيىن ق ر ءى ءى م مەن سىرتقى ىستەر مينيسترلىگى سارى ءنومىرلى كولىكتەردى ارمەنيا تىركەۋىنەن قاشىقتان شىعارۋدىڭ جولدارىن قاراستىرىپ جاتقانى ايتىلعان ەدى.
ايتا كەتسەك، بۇگىن ىشكى ىستەر مينيسترلىگىندە شەتەلدىك كولىكتەردى ەلىمىزدە زاڭداستىرۋ ماسەلەسىنە ارنالعان بريفينگ ءوتتى. ونىڭ بارىسىندا سىرتتان اكەلىنگەن كولىكتەردى زاڭداستىرۋ ءۇشىن قانداي قۇجاتتار كەرەكتىگى ايتىلدى.
سونداي-اق شەتەلدىك كولىكتى زاڭداستىرۋ قانشا تۇراتىنى بەلگىلى بولدى.
ودان بولەك مينيسترلىكتەن شەتەلدىك كولىكتەر ينتەرپول جانە ت م د ەلدەرىنىڭ بازاسى ارقىلى تەكسەرىلەتىنى حابارلاندى.
