چەحيادا پرەزيدەنت سايلاۋى ءوتىپ جاتىر
نەگىزگى ۇمىتكەرلەر قاتارىندا جاقىندا الاياقتىق ءىسى بويىنشا اقتالعان جانە پراگادا ۋكرايناعا قاتىستى «بەيبىتشىلىك سامميتىن» وتكىزۋدى ۇسىنعان ەلدىڭ بۇرىنعى پرەمەر-ءمينيسترى اندرەي بابيش تە بار. ول ارميا گەنەرالى جانە ناتو اسكەري كوميتەتىنىڭ بۇرىنعى ءتوراعاسى پەتر پاۆەلمەن جانە برنوداعى مەندەل ۋنيۆەرسيتەتىنىڭ بۇرىنعى رەكتورى دانۋشە نەرۋدوۆامەن باسەكەگە تۇسەدى.
سوڭعى سوتسيولوگيالىق زەرتتەۋگە سايكەس، ولاردىڭ ءارقايسىسى سايلاۋشىلاردىڭ 26-27 پايىز داۋىسىن الاتىنىنا ءۇمىتتى.
كانديداتتاردىڭ بارلىعى چەحيانىڭ حالىقارالىق ۇستانىمدارىن، ونىڭ ەكونوميكالىق، عىلىمي-تەحنيكالىق جانە قورعانىس الەۋەتىن نىعايتۋعا، الەۋمەتتىك باعدارلامالاردى دامىتۋعا جانە كەڭەيتۋگە ىقپال ەتۋگە ۋادە بەرىپ وتىر.
ولار سونداي-اق، ەۋروپالىق وداق پەن ناتوعا مۇشەلىكتىڭ ماڭىزدىلىعىن اتاپ كورسەتتى.
