سەۋلدە بىلتىر بولعان قايعىلى جاعدايعا جەرگىلىكتى شەنەۋنىكتەر كىنالى - تەرگەۋ توبى
ءىستى تەرگەگەن ارنايى پوليتسيا توبى جەرگىلىكتى شەنەۋنىكتەردىڭ كىناسىنەن بولدى دەگەن قورىتىندىعا كەلدى، دەپ حابارلايدى قازاقپارات BBC- گە سىلتەمە جاساپ.
پوليتسيا سەۋل قالالىق مەرياسىنىڭ، وڭتۇستىك كورەيا ۇلتتىق پوليتسياسىنىڭ نەمەسە ەلدىڭ ىشكى ىستەر مينيسترلىگىنىڭ جوعارى لاۋازىمدى قىزمەتكەرلەرىنىڭ قىزمەتتىك مىندەتتەرىن تيىسىنشە ورىنداماعانى ءۇشىن كىنالى ەكەنىن راستاي المادى. ەسەسىنە قايعىلى وقيعاعا تومەنگى دارەجەلى شەنەۋنىكتەر كىنالى دەپ تانىلدى. ولاردىڭ التاۋى نەمقۇرايلىلىق تانىتتى دەگەن ايىپپەن قاماۋعا الىندى، ولاردىڭ اراسىندا پوليتسيانىڭ بۇرىنعى باسشىسى مەن قايعىلى وقيعا بولعان سەۋل اۋدانىنىڭ باسشىسى دا بار.
باياندامادا تاعى 17 ادامدى، ونىڭ ىشىندە وڭتۇستىك كورەيا استاناسىنىڭ پوليتسيا باسشىسىن جاۋاپكەرشىلىككە تارتۋ ۇسىنىلدى. قايعىلى وقيعادان كەيىن كوپ ۇزاماي پوليتسياعا شەرۋدەگى جاعدايدىڭ قاۋىپتى بولىپ بارا جاتقانى تۋرالى ەسكەرتۋلەر تۇسكەنى بەلگىلى بولدى. الايدا پوليتسيا مۇنداي 11 قوڭىراۋدىڭ تەك تورتەۋىنە عانا جاۋاپ بەرگەن.
بۇعان دەيىن حابارلاعانىمىزداي، سەۋلدەگى حەللوۋين شەرۋى كەزىندە 150 دەن استام ادام قازا تاپتى.
