عالىمجان ءپىرماتوۆ بازالىق ستاۆكانى ساقتاپ قالۋ سەبەبىن ءتۇسىندىردى
«الدىڭعى شەشىمدە ءبىز بازالىق مولشەرلەمەنى كوتەرۋ تسيكلىن اياقتاۋعا جاقىنداپ، جاڭا پروينفلياتسيالىق شوكتار بولماسا، اقشا-كرەديت ساياساتىن كۇشەيتۋ ىقتيمالدىعىن تومەن دەپ باعالاعانىمىزدى بىلەسىزدەر. جىلدىق جانە ايلىق ينفلياتسيا دا، ەكونوميكالىق ءوسۋ ديناميكاسى دا بازالىق بولجام تراەكتورياسى شەگىندە قالىپتاسىپ وتىر. 2022-جىلدىڭ جەلتوقسان ايىنداعى جىلدىق ينفلياتسيانىڭ ارتۋى الدىڭعى شەشىمدە ەسكەرىلگەن بولاتىن. وسىعان بايلانىستى اقشا-كرەديت ساياساتى كوميتەتىنىڭ سوڭعى وتىرىسىندا بازالىق مولشەرلەمەنى قايتا قاراۋ قاجەتتىلىگى بولعان جوق»، - دەدى ۇ ب ءتوراعاسى ب ا ق وكىلدەرىنە ارنالعان بريفينگتە.
الايدا، ونىڭ اتاپ وتۋىنشە، تاۋەكەلدەر بالانسى ءالى دە جوعارى ينفلياتسيا جاعىنا ىعىسقان.
ينفلياتسيانىڭ ورنىقتى بولىگى مەن تاريحي ماكسيمۋمدى جاڭارتقان ينفلياتسيالىق كۇتۋلەر بۇرىنعىداي الاڭداۋشىلىق تۋعىزىپ وتىر.
لوگيستيكالىق جەتكىزۋ جولدارىنىڭ قۇرىلىمدىق وزگەرۋى دە ەكونوميكاعا كەرى اسەر ەتۋدە.
«ينفلياتسيا تراەكتورياسىن تومەندەتۋ جانە ونى سول كۇيىندە ۇستاپ تۇرۋ - ءبىزدىڭ نەگىزگى مىندەتىمىز. ينفلياتسيانىڭ جوعارىلاۋىنا سەبەپ بولاتىن نەگىزگى تاۋەكەلدەر مەن فاكتورلار بازالىق مولشەرلەمەنى ۇزاق ۋاقىت ىشىندە اعىمداعى دەڭگەيلەردە ۇستاپ تۇرۋدى تالاپ ەتەدى»، - دەدى عالىمجان ءپىرماتوۆ.
