ۇلتتىق بانك ءتوراعاسى ينفلياتسيانىڭ ءوسۋ سەبەبىن ايتتى

«ينفلياتسيا بولجامدىق تراەكتوريامەن قالىپتاسۋدا. تۇتىنۋ باعالارىنىڭ ايلىق ءوسۋى باياۋلاپ، بىلتىر جەلتوقسان ايىندا 1,2 پايىزدى قۇرادى. ەسكە سالا كەتەيىن، ايلىق ينفلياتسيا قىركۇيەكتە - 1,8، قازاندا - 1,6، قاراشادا 1,4 پايىزدى قۇراعان. ءبىراق ايلىق ينفلياتسيانىڭ تومەندەۋىنە قاراماستان، ول ورتاشا جىلدىق ماندەردەن اسىپ، جوعارى كۇيىندە قالدى»، - دەدى ۇلتتىق بانك ءتوراعاسى ب ا ق وكىلدەرىنە ارنالعان بريفينگتە.

عالىمجان ءپىرماتوۆتىڭ ايتۋىنشا، 2022-جىلدىڭ جەلتوقسان ايىنداعى جىلدىق ينفلياتسيا 20,3 پايىزدى قۇرادى. ازىق-تۇلىك تاۋارلارى مەن ازىق-تۇلىككە جاتپايتىن تاۋارلار باعاسى ەڭ جوعارى ءوسىمدى كورسەتتى. اقىلى قىزمەتتەردىڭ ينفلياتسياسى وزگەرىسسىز قالدى. وعان تۇرعىن ءۇيدى جالداۋ قۇنىنىڭ تومەندەۋى جانە رەتتەلەتىن باعالاردىڭ باياۋ ءوسۋى اسەر ەتتى.

«ينفلياتسيانىڭ ورنىقتى بولىگىنىڭ جوعارى بولىپ قالۋى دا الاڭداۋشىلىق تۋدىرىپ وتىر. بۇل پروينفلياتسيالىق ورتانىڭ ساقتالۋىن كورسەتەدى. 2022-جىلدىڭ سوڭىنداعى ماۋسىمدىق فاكتوردى ەسكەرمەگەندەگى بازالىق ينفلياتسيانىڭ جىلدىق كورسەتكىشى 22,2 پايىزدى قۇرادى. ينفلياتسيالىق كۇتۋلەردىڭ قارقىنى باسىم. ولاردىڭ ءمانى جەلتوقسان ايىندا ساۋالناما جۇرگىزىلگەن ساتتەن باستالعان ۋاقىت ىشىندەگى ماكسيمۋمدى جاڭارتتى. ينفلياتسيانى مەديانالىق باعالاۋ 21,3 پايىزدى قۇرادى. ساۋالناما دەرەكتەرى بويىنشا، ازىق-تۇلىك باعاسىنىڭ ءوسۋى، سىرتقى جاعداي مەن وتىن باعاسى ينفلياتسيانىڭ وسۋىنە سەبەپ بولدى. جوعارى ينفلياتسيالىق كۇتۋلەر ينفلياتسيانىڭ بولاشاقتا باياۋلاپ، تومەندەۋىنە سەبەپ بولۋى مۇمكىن»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى