قالاعا قونىس اۋدارعاندار اراسىندا قاي جاسقا دەيىنگىلەر كوپ ەكەنى ايتىلدى
بۇل تۋرالى اقپارات جانە قوعامدىق دامۋ مينيسترلىگى جاريالاعان 2023-2027 -جىلدارعا ارنالعان جاستار ساياساتىنىڭ تۇجىرىمداماسى تۋرالى قۇجاتتا كورسەتىلگەن، دەپ حابارلايدى قازاقپارات ءتىلشىسى.
«قازىرگى ۋاقىتتا اۋىلدىڭ ماڭىزدى الەۋمەتتىك ماسەلەلەرىنىڭ ءبىرى - جاستاردىڭ قالاعا اعىلۋى. 30 جاسقا دەيىنگى جاستار اۋىلدان كەلگەن ميگرانتتار اعىنىنىڭ جارتىسىنا جۋىعىن قۇرايدى. وسى جاستاعىلار اۋىلدان قالاعا كوشەتىن جالپى اۋىل تۇرعىندارنىڭ كولەمىمەن سالىستىرعاندا 2-3 ەسە كوپ. كوشى- قوندى دا، اۋىلداعى ءومىر ءسۇرۋ جاعدايلارىن دا انىقتايتىن نەگىزگى پروبلەما جاستاردى جۇمىسپەن قامتۋ ماسەلەسى. جۇمىسسىزدىق پروبلەمالارىن شەشۋدىڭ جالعىز ءتيىمدى ءادىسى - بۇل جاڭا جۇمىس ورىندارىن قۇرۋدى ىنتالاندىرۋ ساياساتى. بۇل تەك ەكونوميكالىق ءوسىم مەن اگروسالانىڭ جەدەل دامۋى جاعدايىندا عانا مۇمكىن»، - دەلىنگەن قازىرگى قالىپتاسقان جاعدايعا جاسالعان تالداۋ مالىمەتتەرىندە.
ۆەدومستۆو كەلتىرگەن دەرەككە سايكەس، قازىرگى جاستاردىڭ كوبى جۇمىس بەرۋشىنىڭ تالاپتارى مەن جالاقى مقلشەرىنە كەلىسە بەرمەيدى.
«الەۋمەت تانۋشىلار جۇرگىزگەن بارلىق دەرلىك زەرتتەۋلەر اۋىل جاستارىنىڭ الەۋمەتتىك- ەكونوميكالىق جاعدايلارعا وتە سەزىمتال ەكەنىن كورسەتەدى. قازىرگى جاستاردىڭ الدىنعى بۋىننان ايىرماشىلىعى بۇگىنگى ۇرپاق نارىقتاعى ەڭبەك رەجيمىمەن كەلىسپەيدى جانە تومەن جالاقىعا توزبەيدى. ەگەر جۇمىس پەرسپەكتيۆاسى جانە قازىرگى زامانعى ءومىر ستاندارتتارى بويىنشا وركەنيەتتى بولسا، جاستار اۋىلدان كەتپەيدى»، - دەپ جازىلعان تۇجىرمدامادا.
